Крозеови Острови (француски: Îles Crozet), Крозеов Архипелаг (Archipel Crozet) или само Крозе — архипелаг од мали подсантарктички острови во Индискиот Океан. Тие сочинуваат еден округ во рамките на француската прекуморска територија именувана како Француски Јужни и Антарктички Земји.
Историја
Крозеовите Острови биле откриени на 24 јануари 1772 година од страна на француската експедиција предводена од Марк-Жозеф Марион ду Фресне. Жил Крозе, вториот човек по команда на експедицијата, стапнал на островот Посесион и со тоа официјално Франција објавила дека островите се под нивна управа. Имено, островите се именувани токму по Жил Крозе.[2] Експедицијата продолжила кон Нов Зеланд, каде капетанот и поголем дел од екипажот биле убиени од страна на Маорите.[3] Сепак, Крозе преживеал и успешно ги предводел преживеаните назад во Маврициус, каде им била базата.
Геологија
Островите лежат на Антарктичката Плоча. Тие се грубо кажано помеѓу Мадагаскар и Кергеленовото вулканско жариште. Најстар остров од овие е Источниот Остров кој бил создаден пред 9 милиони години и бил создаден од вулканско жариште.[4] Ова жариште продолжило да создава острови кон запад, до денес.[5] Иако геолошки гледано островите се млади, сепак денес не се забележува вулканска активност.
Географија
Околу главните острови има повеќе мали островчиња и карпести гребени. Главните острови се (од запад кон исток):
↑Hough, Richard (1995). Captain James Cook: A Biography. W. W. Norton & Company. стр. 259–260. ISBN978-0393315196.
↑Marie Meyzen, Christine; Marzoli, Andrea; Bellieni, Giuliano; Levresse, Gilles (July 2016). „Magmatic Activity on a Motionless Plate: the Case of East Island, Crozet Archipelago (Indian Ocean)“. Journal of Petrology. 57 (7): 1409–1436. doi:10.1093/petrology/egw045. |access-date= бара |url= (help)
