Норча

Норча
населено место
Норча
Координати: 42°17′52.5″N 21°38′30″E / 42.297917°N 21.64167°E / 42.297917; 21.64167
Земја	Србија
Округ	Пчињски
Општина	Прешево
Население (2022)
• Вкупно	869
Час. појас	CET (UTC+1)
• Лето (ЛСВ)	CEST (UTC+2)

Норча — населено место во општината Прешево, Србија, во близина со македонската граница.

Селото се наоѓа во подножјето на планината Црна Гора, на едно зарамнето место што е оддалечено 2км од градот Прешево. Источно од селото поминува железничката пруга. Над селото има букови и дабови шуми. Селото е од збиен тип, освен Герското маало, кое е оддалечено околу 200 метри од останатите куќи. Другите маала коишто го сочинуваат се: Паљај, Караосман, Жваљај, Блутај и Џинај.

Се смета дека Норча е старо село, бидејќи се споменува уште во средниот век. Тогаш било забележано дека селото имало црква посветена на Свети Никола, но таа црква непостои денес. Се претпоставува дека била разрушена околу 1878 година. Денешните муслимански жители местото на црквата го нарекуваат киша.

Порано ова село било православно македонско, но потоа постепено се доселувале муслимани од северна Албанија. Овој процес бил многу одамна, бидејќи малку се знае за овие православни родови. Во селото останал само еден исламизиран род, остатокот се доселени Албанци, но околу 1950 се доселени и нови православни семејства.^[1]

Во XIX век, селото е дел од Прешевската каза на Приштинскиот санџак.

По Првата балканска војна, станува дел од Кралството Србија, т.е. Јужна Србија. По Втората светска војна, званично останува во рамките на Србија, иако географски припаѓа кон Македонија.

Според пописот од 1913 година селото има 377 жители и било дел од општина Прешево.^[2]

Според германска карта издадена во 1941 година, а заснована на пописот на Кралство Југославија во 1931 година, селото имало 400 Албанци и 50 Македонци.^[3]

• Има една исламизирана староседелска фамилија по име Читакај.
• Албански родови доселени од фисот Соп се: Караосман, Жваљ, Суљај, Еминај, Џинај, Мула Салаови и Герови.
• Доселени православни родиови се: Вујинци од Љутежа, Анѓелковци од Житораѓе, Павловци од околината на Врање, Павловци од Трејак и Петровци од Пчиња.

Според пописот од 2022 година, селото имало 869 жители, со густина на населеност од 142.2/км². 49.5% биле мажи, 50.5% биле жени.^[4]

1. ↑ Трифуноски, Јован (1951). Кумановска-прешевска Црна Гора. Белград: Српска академија на науките. стр. 162.
2. ↑ Речник на местата во ослободената област Стара Србија по службени податоци. Белград: Мил. Ант. Вујиќ. 1914.
3. ↑ „200K Volkstumskarte Jugoslawien“.
4. ↑ „Пописа становништва, домаћинстава и станова 2022 године“.

п р у Населени места во Општина Прешево Алиѓерце Берчевац Бујиќ Букаревац Буковац Буштрање Гаре Големи Дол Горна Шушаја Госпоѓинце Депце Долна Шушаја Жујинце Илинце Курбалија Љаник Маѓаре Миратовац Норча Ораовица Печено Прешево Рајинце Ранатовце Рељан Свињиште Сефер Славујевац Станевце Стрезовце Трнава Цакановац Церевајка Црнотинце Чукарка