Парабола за загубената драхма

Парабола за загубената драхма — алегориска приказна на Исус за жена што има десет сребрени драхми и губи една, по што таа ја пребарува целата куќа барајќи ја.

Параболата е запишана само во новозаветното Евангелие според Лука (15:8–10), каде што се наоѓа заедно со две други слични параболи за загуба и искупување: Параболата за изгубената овца и Параболата за блудниот син. Сите три параболи се насочени против фарисејските свештеници што го обвинуваат Исус за дружење со „грешници“.

Во Евангелието според Лука се запишани следниве зборови на Исус:

8. Или која жена, имајќи десет драхми, кога загуби една, нема да запали светило и да ја помете куќата, за да побара внимателно, дури не ја најде?

9. А штом ја најде, ќе повика пријателки и сосетки, велејќи: „Радувајте се со мене, оти ја најдов загубената драхма!“

10. Таква радост, ви велам, станува и пред ангелите Божји за еден грешник, што се кае.”

— Евангелие според Лука, 15:8–10 ^[1]

Џоел Грин забележува дека жената е опишана како сиромашна селанка и дека десетте сребрени драхми „веројатно ги претставуваат заштедите на семејството“. Овие парички може да го претставуваат и миразот на жената, што се чува како украс.^[2] Упорното барање на жената може да го претставува делото на Исус или Бог.^[2]

• Biblical Art on the WWW: The Lost Coin