Las fòrmas ancianas son Parochia ecclesiae S. Ylarii de Cublelas, en 1259, Cublelas, al sègle XIII, Le gué de Cubel, en 1448, Ecclesia B. Ylarii de Cubellis, Mimat. dioc., en 1464, Prioratus de Clubellis, en 1477, Clubelles, en 1483 [1].
La prononciacion, relevada dins la comuna, es [tjyßɛl] (la consonanta iniciala es un brèu clacament de lenga, que se poiriá tanben representar per [tʃ-]); a La Clausa, près de Gresas, a 14 km, la prononciacion es [tjußɛl], amb un [tj-] plan caracterizat [2]. Dins lo parlar de Saug, descrit per Pèire Nauton [3], la palatalizacion de l'oclusiva C(u)- en [tjy-] es pas estonabla. La grafia es doncas Cubèl (totas las fòrmas ancianas an Cu- o Clu- e pas Tu-). Perqué las fòrmas ancianas an çò mai sovent una finala vocalica, amai alh plural, e pas avòra ?
Segon Dauzat, Cubèl es probablament un diminutiu del latin cūpa, « cuba, tina », aplicat a una nautor [ ? ] [4].
Istòria
En 1789, Cubèl dependiá de la província e lo bailiatge de Gevaudan. Sa gleisa parochala, diocèsi de Mende e archipreirat de Saug, èra delh vocable de Sant Alari; l'avesque de Mende presentava a la cura [1].
Abans la refòrma cantonala de 2014, aplicada en 2015, la comuna èra del canton de Saug; es ara del canton de Gorges de l'Allier-Gévaudan (en francés), donc de las Gòrjas de l'Alèir-Gevaudan.
Aquesta seccion es voida, pas pro detalhada o incompleta. Vòstra ajuda es benvenguda !
Cubèl
.svg){kind=small}
