அக்கிபிக்கி மக்கள்

ஹக்கிபிக்கி

மொத்த மக்கள்தொகை
11,892[1]
குறிப்பிடத்தக்க மக்கள்தொகை கொண்ட பகுதிகள்
இந்தியா
கருநாடகம்	11,892
மொழி(கள்)
வாகரி
சமயங்கள்
இந்து சமயம்

ஹக்கிபிக்கி (Hakkipikki) மேற்கிந்தியாவைச் சேர்ந்த பழங்குடி மக்களான இவர்கள் தற்போது கருநாடகம் மாநிலத்தின் சிமோகா மாவட்டம், தாவண்கரே மாவட்டம் மற்றும் மைசூர் மாவட்டங்களில் வாழ்கின்றனர். 2011ஆம் ஆண்டின் கணக்கெடுப்பின்படி, ஹக்கிபிக்கி பழங்குடி மக்கள் தொகை 11,892 ஆக உள்ளது. ஹக்கிபிக்கி மக்கள் இந்திய-ஆரிய மொழிக் குடுமபத்தைச் சேர்ந்த வாக்கிரி பூலி மொழியைப் பேசுகின்றனர். இம்மொழி ஏறக்குறைய குஜராத்தி மொழியை ஒத்துள்ளது.

கன்னட மொழியில் ஹக்கி என்றால் பறவை: பிக்கி எனில் வேட்டையாடுபவர். துவக்க காலத்தில் இம்மக்கள் கருநாடக மாநிலத்தில் பறவைகளை வேட்டையாடி பிழைத்ததால், இம்மக்களை கன்னட மக்கள் ஹக்கிபிக்கிகள் என்று அழைத்தனர்.^[2]

450 ஆண்டுகளுக்கு முன்னர் ஹக்கிபிக்கி மக்களின் முன்னோர்கள் மேவார் மன்னர் மகாராணா பிரதாப் ஆட்சியில் வீரர்களாக இருந்தனர். முகலாயப் பேரரசு மேவார் நாட்டை வென்றதால், இம்மக்கள் மேவாரை விட்டு முதலில் ஆந்திரப் பிரதேசம் பின்னர் கர்நாடகாவில் குடியேறினர்.^[3][4]

ஹக்கிபிக்கி மக்கள் தாய்வழி சமூக அமைப்பை பின்பற்றுகின்றனர்.^[3] இச்சமூகத்தில் மணமகள் வீட்டாருக்கு வரதட்சனை கொடுப்பதுடன், திருமணச் செலவையும் மணமகன் வீட்டாரே செய்யும் பழக்கம் உள்ளது.^[5]

தற்போது சில ஆண்டுகளாக ஹக்கிபிக்கி மக்கள் நீண்ட கூந்தல் மற்றும் முடி உதிராமைக்கு ஒரு வகையான எண்ணெய்யை தயாரித்து விற்கின்றனர்.^[6][7]