இலட்சுமிதர விஜயதுங்கதேவி

இலட்சுமிதர விஜயதுங்கதேவி (ஆங்கிலம்: Laksmidhara Wijayottunggadewi இந்தோனேசியம்: Śri Maharaja Śri Sakalendu Kirana Isana Gunadharma Laksmidhara Wijayotthunggadewi) என்பவர் பாலி இராச்சியத்தின் வர்மதேவ மரபு வழி அரசி ஆவார். மேலும் இவர் பாலி இராச்சியத்தின் 14-ஆவது அரசியாகவும் ஆட்சி செய்தார்.^[1][2]

இலட்சுமிதர விஜயதுங்கதேவியின் ஆட்சிக்காலம் கிபி 1088-1101^[3] இவர் 1088-இல் மகாராஜா வளபிரபுவிற்குப் பிறகு பதவியேற்றார். இவருடைய நீண்ட பெயர், முந்தைய ஆட்சியாளர்களுடன் அவரின் அரச உறவு முறைத் தொடர்புகளையும்; தெய்வீகத் தன்மையில் அவரின் தொடர்புகளையும் விவரிக்கும் வகையில் அமைந்து இருக்கலாம் என்று கருதப்படுகிறது.^[4][5]

1010, 1020, 1023-ஆம் ஆண்டு என பொறிக்கப்பட்ட பாலினிய கல்வெட்டுகள், இலட்சுமிதர விஜயதுங்கதேவியின் ஆட்சியை விவரிக்கின்றன. அவற்றில் வர்மதேவ வம்சம் என்பது சகலேந்துகிராண வம்சம் (Sakalendukirana Dynasty) என்று மாற்றம் பெற்றதாக விவரிக்கப்பட்டுள்ளது.^{[6]:129,144,168,180}

செரி மகாராஜா சகலேந்துகிராண இலட்சுமிதர விஜயதுங்கதேவி என்ற தலைப்பில் இலட்சுமிதர விஜயதுங்கதேவி பற்றி நான்சி குயின் காலின்ஸ் (Nancy Quinn Collins) என்பவர் எழுதிய ஒரு கவிதை, "பெமினிஸ்ட் போயம்ஸ்" என்ற நூலில் 2016-ஆம் ஆண்டில் வெளியிடப்பட்டது.^[7]

• வர்மதேவ வம்சம்
• சனசாது வருமதேவன்
• செரி விஜய மகாதேவி
• செரி அஜனாதேவி
• குணப்பிரியா தருமபத்தினி
• மகாராஜா வளபிரபு
• ஏர்லங்கா

• Pringle,Robert. (2004) A Short History of Bali: Indonesia's Hindu Realm. Crows Nest, NSW: Allan & Unwin பன்னாட்டுத் தரப்புத்தக எண் 1-86508-863-3.