மலாக்கா சுல்தானகம்

மலாக்கா சுல்தானகம் Malacca Sultanate كسلطانن ملايو ملاك
1402–1511
15-ஆம் நூற்றாண்டில் சுல்தானகத்தின் ஆதிக்கம்
தலைநகரம்	மலாக்கா
பேசப்படும் மொழிகள்	மலாய்
சமயம்	இசுலாம்
அரசாங்கம்	Monarchy (மரபுவழி அரசாட்சி)
சுல்தான்
வரலாறு
• தொடக்கம்	1402
• போர்த்துகேயரின் வரவு	1511
நாணயம்	தங்க, வெள்ளிக் காசுகள்
முந்தையது பின்னையது சிறீவிஜயா ஜொகூர் சுல்தானகம் பேராக் சுல்தானகம் [[போர்த்துக்கீசிய மலாக்கா]]

மலாக்கா சுல்தானகம் (மலாய் மொழி: Kesultanan Melaka; ஆங்கிலம்: Sultanate of Malacca; ஜாவி: کسلطانن ملاک); என்பது பரமேசுவரா எனும் சிங்கப்பூர் அரசரால் 1400-ஆம் ஆண்டு தோற்றுவிக்கப்பட ஒரு சுல்தானகம் ஆகும். பரமேசுவரா என்பவர் இசுகந்தர் ஷா என்றும் அழைக்கப் படுகிறார்.^[1]

15-ஆம் நூற்றாண்டில், மலாக்கா சுல்தானகத்தின் அதிகார உச்சத்தில், தீபகற்ப மலேசியாவின் பெரும்பகுதிகளும்; ரியாவ் தீவுகளும் உள்ளடக்கியதாக இருந்தது. அதன் காலத்தில் மிக முக்கியமான கடல்சார் துறைமுகங்களில் ஒன்றாகவும் விளங்கியது.^[2]

பரபரப்பான பன்னாட்டு வர்த்தக துறைமுகமாகவும்; இஸ்லாமிய கற்றல் மற்றும் பரப்புதலுக்கான மையமாகவும் உருவெடுத்தது. மேலும் மலாய் மொழி, இலக்கியம் மற்றும் கலைகளின் வளர்ச்சிக்கும் ஊக்கமளித்தது.^[3]

1511-ஆம் ஆண்டில், மலாக்காவின் தலைநகரம் போர்த்துகீசியப் பேரரசிடம் வீழ்ந்தது. மலாக்கா சுல்தானகத்தின் கடைசி சுல்தான் மகமுட் ஷா (1488 - 1511) மலாக்காவை விட்டு வெளியேறினார்.

அதன் பின்னர் அவரின் சந்ததியினர் ஜொகூர் சுல்தானகம் மற்றும் பேராக் சுல்தானகம் ஆகிய இரு புதிய சுல்தானகங்களை நிறுவினார்கள்.^[4]

தாய்லாந்திற்கு கீழும் சுமாத்திராவிற்கு மேலேயும் உள்ள இடைப்பட்ட நிலத்தில் மலாக்கா சுல்தானகம் பரவியிருந்தது. இதன் தலைநகரத்தில் போர்த்துகீசியர் 1511-ஆம் ஆண்டில் படையெடுத்தனர். இதன் பின்னர் சுல்தான் மகமுட் ஷாவின் இரண்டாவது மகனார், அலாவுதீன் ரியாட் ஷா II என்பவரால் ஜொகூர் சுல்தானகம் நிறுவப்பட்டது.

• பரமேசுவரா
• மெகாட் இசுகந்தர் ஷா
• சுல்தான் முகமது ஷா
• பரமேசுவரா தேவ ஷா
• சுல்தான் முசபர் ஷா
• சுல்தான் மன்சூர் ஷா
• சுல்தான் அலாவுதீன் ரியாட் ஷா
• சுல்தான் மகமுட் ஷா
• சுல்தான் அகமட் ஷா