குண்டுச்சம்பா (நெல்)

குண்டுச்சம்பா
பேரினம்
ஒரய்சா
இனம்
ஒரய்சா சாட்டிவா
வகை
பாரம்பரிய நெல் வகை
தோற்றம்
பண்டைய நெல் இரகம்
மாநிலம்
தமிழ் நாடு
நாடு
இந்தியா

குண்டுச்சம்பா (Gundu Samba) அல்லது, வட்டார வழமையில் மிளகி (Milagi)^[1] எனப்படும் இந்த நெல் வகை, தமிழகத்தின் ஒரு பாரம்பரிய நெல் வகையாகும்.^[2]

குண்டு சம்பாவின் அரிசி உணவு சாப்பிடுவதால், நாவறட்சியைப் போக்கும். ஆனாலும் இதன் கரப்பான் எனும் பிணியை உண்டாக்குவதோடு, பசியை மந்திக்கச் செய்வதாகவும் கூறப்படுகிறது.^[3]

குண்டுச்சம் பாவரிசி கொண்டுண்ணும் பேர்களுக்குப்
பண்டையில்லா மந்தநோய் பாரிக்கும் – அண்டுபடாத்
தாகமெல் லாமொழியும் தையலே ! வன்கரப்பான்
தேகமெல் லாம்பரவுஞ் செப்பு.

• பொருள்: மேற்கூறிய பாடலின் பொருளானது, இந்த குண்டுச்சம்பா அரிசியை உண்டவனுக்கு இதனால் பசித்தீ கெடும். கரப்பான் உண்டாகும். நீர்வேட்கை போகும். என கூறப்படுகிறது.^[4]

குதிரைகட்டி ஐலேலப்படி சேர்க்குழச்சு

குண்டுச்சம்பா ஐலேலப்படி நாத்துநட்டு

ஐலேலப்படி நாத்துநட்டோ ஆளுகளே

ஐலேலப்படி கூப்பிடுங்க பிரியமின்னா...

• மேற்கூறிய இப்பாடல் அக்காலப் பெண்கள் நாற்று நடும் வேளையில், களைப்பாற பாடுவதை வழமையாகக் கொண்டிருந்தனர் என்பது மூலாதாரத்தில் உள்ளது.^[5]

விக்சனரியில் குண்டுச்சம்பா அரிசி என்னும் சொல்லைப் பார்க்கவும்.

• பாரம்பரிய நெல்
• இலங்கையின் பாரம்பரிய அரிசி
• இயற்கை வேளாண்மை
• வேளாண்மை