பாங்கிலி பிராந்தியம்

பாங்கிலி பிராந்தியம் Bangli Regency Kabupaten Bangli ᬓᬩᬸᬧᬢᬾᬦ᭄ᬩᬂᬮᬶ
பிராந்தியம்
கிந்தாமணி பத்தூர் ஏரி பத்தூர் மலை பத்தூர் ஏரி துருன்யான் கிராமம் பாங்கிலிபுரா கிராமம்
சின்னம்
பாலி தீவில் பாங்கிலி பிராந்தியம்
ஆள்கூறுகள்: 8°17′0″S 115°20′0″E / 8.28333°S 115.33333°E / -8.28333; 115.33333
நாடு	இந்தோனேசியா
மாநிலம்	பாலி
தலைநகரம்	பாங்கிலி
பரப்பளவு
• மொத்தம்	520.81 km2 (201.09 sq mi)
மக்கள்தொகை  (2024)[1]
• மொத்தம்	2,60,526
• அடர்த்தி	500/km2 (1,300/sq mi)
வழிபாடு
• சமயம்	98,72% இந்து சமயம் 1,00% இசுலாம் 0,15% கிறிஸ்தவம் 0,12% சீர்திருத்தத் திருச்சபை 0,03% கத்தோலிக்கம் 0,11% பௌத்தம் 0,02% கன்பூசியஸ்
நேர வலயம்	இந்தோனேசிய நேரம் +8
அஞ்சல் குறியீடு	821xx
தொலைபேசி	(+62) 366
வாகனப் பதிவெண்கள்	DK
இணையதளம்	banglikab.go.id

பாங்கிலி பிராந்தியம் (ஆங்கிலம்: Bangli Regency; பாலினியம்: Kabupatén Bangli; இந்தோனேசியம்: Kabupaten Bangli) என்பது இந்தோனேசியா, பாலி தீவில் ஒரு பிராந்தியம் ஆகும். இந்தப் பிராந்தியத்தின் தலைநகரம் பாங்கிலி (Bangli). இதுவே பாலியில் நிலத்தால் சூழப்பட்ட ஒரே பிராந்தியம் ஆகும்,

1907-ஆம் ஆண்டு வரை, பாங்கிலி பிராந்தியம் பாலியின் ஒன்பது இராச்சியங்களில் ஒன்றாக இருந்தது.^[2] பாங்கிலி பிராந்தியத்தின் தலைநகரமான பாங்கிலி நகரில் 11-ஆம் நூற்றாண்டைச் சேர்ந்த புரா கெகான் எனும் புகழ்பெற்ற இந்து கோயில் உள்ளது.

புரா டாலெம் கலிரான் கோயில் (Pura Dalem Galiran), பாங்கிலி நகரில் இருந்து வடமேற்கே 1.4 கி.மீ தொலைவில் உள்ளது.^[3] பாங்கிலி நகர மையத்திலிருந்து தெற்கே 1.3 கி.மீ தொலைவில் புரா டாலெம் பெனுங்கேக்கான் கோயில் (Pura Dalem Penunggekan) உள்ளது.^[4] இந்தக் கோயிலின் வெளிப்புறச் சுவர்களில் நரகத்தில் உள்ள பாவிகளின் செதுக்கப்பட்ட புடைப்புச் சிற்பங்கள் காட்டப்படுகின்றன.

பண்டைய காலங்களில் இருந்து பாங்கிலி பிராந்தியம், பாலி தீவின் இராச்சியங்களில் ஒன்றாக, மிகப் பழைமையான வரலாற்றுப் பின்னணியைக் கொண்டுள்ளது. அதன் வரலாற்று முக்கியத்துவத்திற்கு காரணம்; அதன் பாதுகாக்கப்பட்ட கோயில்கள் மற்றும் அதன் நிலப்பரப்பில் காணப்படும் பண்பாட்டுப் பாரம்பரியக் கூறுகள் ஆகும்.^[5]

பல நூற்றாண்டுகளுக்கு முன்பு, தெற்கு மற்றும் கிழக்கு பாலியின் நீர்ப்பாசனத்திற்கான குறிப்பிடத்தக்க நீர் ஆதாரமான பத்தூர் ஏரியின் அமைவிடம் காரணமாக, பாங்கிலி பிராந்தியம் ஒரு முக்கிய பங்கைக் கொண்டிருந்தது. அதன் விலைமதிப்பற்ற நீர் வழங்கல் முறை; பத்தூர் ஏரிப் பகுதியை மிகவும் விரும்பத்தக்க இடமாக மாற்றியது. அதுவே அண்டை ஆட்சியாளர்களிடையே கடுமையான மோதல்கள் மற்றும் அதிகாரப் போராட்டங்களுக்கு வழிவகுத்தது.^[5]

பாங்கிலி பிராந்தியம், பாலியில் நிலத்தால் சூழப்பட்ட ஒரே பிராந்தியம் ஆகும். இதன் வடக்குப் பகுதியில் பத்தூர் மலை உள்ளது. உபுட் நகரத்தில் இருந்து கிந்தாமணி வழியாக வடக்கு கடற்கரைக்குச் செல்லும் பிரதான சாலைக்கு அருகில் அந்த பத்தூர் மலை உள்ளது.^[6][7]

இந்த சர்ச்சைகளுக்கு மத்தியில், பாங்கிலி பிராந்தியம் ஒரு முக்கிய இராச்சியமாக உருவெடுத்தது. இறுதியில் பாங்கிலி நகரம் ஒரு முக்கிய பாலினிய இராச்சியத்தின் தலைநகரமாக மாறியது. பாலினிய நாட்காட்டியில், இந்த குறிப்பிடத்தக்க மைல்கல் 1204-ஆம் ஆண்டில் ஏற்பட்டது. அதன் விளைவாக பாலினிய இகாகா ஆண்டு (Balinese Icaka year) உருவானது. அதுவே பாங்கிலி பிராந்திய வரலாற்றில் ஒரு திருப்புமுனையாகவும் அமைந்தது. அப்பகுதியில் அதிகாரம் மற்றும் நிர்வாக மையமாகவும் அதன் நிலைப்பாட்டை உறுதிப்படுத்தியது.^[5][8]

ஓர் இராச்சியத்தின் தலைநகராக பாங்கிலி முக்கியத்துவம் பெற்றது. கைவினைஞர்கள், அறிஞர்கள் மற்றும் மதத் தலைவர்களை பாங்கிலி நகரம் ஈர்த்தது; அப்பகுதியின் செழிப்பான கலாசார மற்றும் கலைப் பாரம்பரியத்திற்குப் பங்களித்தனர். கோயில்கள், அரண்மனைகள் மற்றும் பிற கட்டிடக்கலை அமைப்புகள் உருவாக்கப்பட்டன. அவை இன்றும் அந்தப் பழைய இராச்சியத்தின் செழிப்பையும்; ஆழமாக வேரூன்றிய ஆன்மீகத்தையும் பிரதிபலிக்கின்றன.^[5][9]

பாங்கிலி பிராந்தியம் 4 மாவட்டங்களாக (Districts of Indonesia) (Kecamatan) பிரிக்கப்பட்டுள்ளது.

• 
  சூசுட்
  மாவட்டம்
• 
  பாங்கிலி மாவட்டம்
• 
  தெம்புக்கு மாவட்டம்
• 
  கிந்தாமணி மாவட்டம்

பாங்கிலி பிராந்தியம் வெப்பமண்டல மழைக்காடு காலநிலை (Af) கொண்டது. ஏப்ரல் முதல் செப்டம்பர் வரை மிதமான மழைப்பொழிவும், அக்டோபர் முதல் மார்ச் வரை அதிக மழைப்பொழிவும் இருக்கும்.

• பாங்கிலி பிராந்திய காட்சிப் படங்கள்

• இந்தோனேசியாவின் பிராந்தியங்கள்
• இந்தோனேசிய நிலப் பகுதிகள்
• இந்தோனேசியாவின் மாகாணங்கள்

• விக்கிச்செலவில் செலவு வழிகாட்டி: பாங்கிலி பிராந்தியம்
• பொதுவகத்தில் பாங்கிலி பிராந்தியம் பற்றிய ஊடகங்கள்
• அதிகாரப்பூர்வ இணையதளம்