மலேசிய பெர்லிஸ் பல்கலைக்கழகம்

மலேசிய பெர்லிஸ் பல்கலைக்கழகம்
Universiti Malaysia Perlis
University of Malaysia, Perlis
马来西亚玻璃市大学

பலகலைக்கழகத்தின் இயந்திரவியல் கட்டிடம்
முந்தைய பெயர்	Kolej Universiti Kejuruteraan Utara Malaysia
குறிக்கோளுரை	அறிவு, நேர்மை, மேன்மை (Knowledge, Sincerity, Excellence) (Ilmu Keikhlasan Kecemerlangan)
வகை	பொதுத்துறை பல்கலைக்கழகம் தொழில்நுட்ப பல்கலைக்கழகம்
உருவாக்கம்	சூலை 25, 2001; 23 ஆண்டுகள் முன்னர் (2001-07-25)[1]
வேந்தர்	துவாங்கு சையது பைசுதீன் புத்ரா[2]
துணை வேந்தர்	சுலைமான் சவுலி (Lt Kol Prof. Ts. Dr. Zaliman Sauli)
மாணவர்கள்	14,000
அமைவிடம்	கங்கார்; ஆராவ் பெர்லிஸ் , மலேசியா 6°26′50″N 100°14′39″E / 6.44722°N 100.24417°E / 6.44722; 100.24417
வளாகம்	பல வளாகங்கள்
சேர்ப்பு	ASAIHL[3] பன்னாட்டு U8 கூட்டமைப்பு[4] மலேசிய தொழில்நுட்ப பல்கலைக்கழக குழுமம்
இணையதளம்	www.unimap.edu.my

மலேசிய பெர்லிஸ் பல்கலைக்கழகம்

மலேசிய பெர்லிஸ் பல்கலைக்கழகம் (ஆங்கிலம்:(Universiti Malaysia Perlis; மலாய்: Universiti Pahang Malaysia) (UniMAP) என்பது மலேசியா, பெர்லிஸ், கங்கார்; ஆராவ் நகரங்களில் உள்ள ஒரு பொதுத்துறை பல்கலைக்கழகம்; மற்றும் பல்துறை தொழில்நுட்பப் பல்கலைக்கழகம் ஆகும்.

தொடக்கத்தில் இந்தப் பல்கலைக்கழகம் வடக்கு மலேசிய பல்கலைக்கழகப் பொறியியல் கல்லூரி (ஆங்கிலம்:(Northern Malaysia University College of Engineering; மலாய்: Kolej Universiti Kejuruteraan Utara Malaysia) (KUKUM) எனும் பெயரில் நிறுவப்பட்டது.^[5]

பின்னர் பொறியியல் மற்றும் தொழில்நுட்பத்தில் நிபுணத்துவம் பெற்ற ஒரு தொழில்நுட்ப பல்கலைக்கழகமாகத் தகுதி உயர்த்தப்பட்டது.

இந்தப் பல்கலைக்கழகம் 25 சூலை 2001 அன்று மலேசியாவின் உயர் கல்விக்கான 17-ஆவது பொதுக் கல்வி நிறுவனமாக (வடக்கு மலேசிய பல்கலைக்கழகப் பொறியியல் கல்லூரி) நிறுவப்பட்டது.

7 பிப்ரவரி 2007 அன்று, வடக்கு மலேசிய பல்கலைக்கழகப் பொறியியல் கல்லூரி ஒரு முழு அளவிலான பல்கலைக்கழகமாக தரம் உயர்த்தப்பட்டு அதன் தற்போதைய மலேசிய பெர்லிஸ் பல்கலைக்கழகம் எனும் பெயரைப் பெற்றது.^[6]

2 மே 2002 அன்று பெர்லிஸ் ஆராவ் நகரில் உள்ள ஒரு தற்காலிக வளாகத்தில் அதன் செயல்பாடுகளைத் தொடங்கியது. சிறிது காலத்திற்குப் பிறகு, பாடத்திட்ட மேம்பாடு, கட்டமைப்பு மேம்பாடு மற்றும் மாணவர் சேர்ப்பு நடவடிக்கைகள் தொடங்கின. 2002/2003 கல்வி அமர்வுக்கு 119 மாணவர்களின் முதல் சேர்க்கை 20 சூன் 2002 அன்று தொடங்கியது.

தொடக்கத்தில் இரண்டு பாடத் திட்டங்களை வழங்கிய மலேசிய பெர்லிஸ் பல்கலைக்கழகம்; தற்போது ஏறக்குறைய 10,000 மாணவர்களுக்கு கல்வி வசதிகளை வழங்கி வருகிறது. ஆறு பட்டையத் துறைகள், 37 இளங்கலை பட்டப்படிப்புகள், 20 முதுகலை பட்டப்படிப்புகள், பன்னிரண்டு தத்துவவியல் ஆய்வுகள்; ஆகியவற்றை வழங்கி வருகிறது.

தீபகற்ப மலேசியாவின் வடக்கில் அமைந்துள்ள மலேசிய பெர்லிஸ் பல்கலைக்கழகம்; பெர்லிஸ் மாநிலத்தின் 30 இடங்களில் தன் துணைக் கல்வி வளாகங்களைக் கொண்டுள்ளது.

• மலேசிய துன் உசேன் ஓன் பல்கலைக்கழகம் (UTHM)
• மலேசிய மலாக்கா தொழில்நுட்ப பல்கலைக்கழகம் (UTeM)
• மலேசிய பகாங் பல்கலைக்கழகம் (UMP)

• மலேசியப் பல்கலைக்கழகங்களின் பட்டியல்

• Universiti Malaysia Perlis