Чиләбе өлкәсе мөселманнарының төбәк Диния нәзарәте

Чиләбе өлкәсе мөселманнарының төбәк Диния нәзарәте
Чиләбе мөфтияте
мөфтият резиденциясе – Ак мәчет
Баш-фатир:	454001 Россия Федерациясе / Чиләбе өлкәсе, Чиләбе, Елькин ур., 16
Оешма төре:	үзәкләштерелгән дини оешма
Җитәкчеләр
Мөфти	Ринат хәзрәт Раев
Нигезләү
Россия һәм БДБ Европа илләре мөселманнарының Үзәк Диния нәзарәте рәисе Указы № 35 21.10.92	1992 ел
rdum.info

Чиләбе өлкәсе мөселманнарының төбәк Диния нәзарәте (рус. Региональное духовное управление мусульман (РДУМ) Челябинской области) ― Россия мөселманнарының Үзәк Диния нәзарәте составындагы дини оешма. Йөздән артык җәмгыятьне берләштерә һәм структур бүлекчәләре (мөхтәсибәтләр, ахунлык) бар. 2005 елның декабреннән нәзарәт рәисе ― мөфти Ринат хәзрәт Раев.

1992 елның 8-10 ноябрендщ Уфада узган Россия мөселманнарының VI Гадәттән тыш корылтаенда «СССРның Европа өлеше һәм Себер мөселманнарының Диния нәзарәтен Россия һәм БДБ илләре мөселманнарының Үзәк Диния нәзарәте итеп үзгәртү турында» карар һәм яңа устав кабул ителә. Яңа устав буенча, эре төбәк дини үзәкләре (мөхтәсибәтләр) мөселманнарның төбәк диния нәзарәтләре (мөфтиятләр) итеп үзгәртелә (хәзерге вакытта ҮДН составында илледән артык мөфтият исәпләнә) һәм Югары мөфти дәрәҗәсе кертелә, ул Тәлгать Таҗетдинга бирелә. Россия һәм БДБ Европа илләре мөселманнарының Үзәк Диния нәзарәте рәисе югары мөфти Тәлгать Таҗетдиннең 21.10.92 № 35 Указы белән Чиләбе мөхтәсибәте Чиләбе өлкәсе мөселманнарының төбәк Диния нәзарәте (Чиләбе мөфтияте) итеп үзгәртелә^[1].

• Копейск мөхтәсибәте
• Троицк мөхтәсибәте
• Красноармейск мөхтәсибәте
• Аргаяш мөхтәсибәте
• Коншак мөхтәсибәте
• Югары Өфәле мөхтәсибәте
• Горнозаводск зонасы мөхтәсибәтләре ахунлыгы
• Кыштым мөхтәсибәте
• Магнитогорск мөхтәсибәте

• Мөселман җәмгыятенең беренче җитәкчесе ― Ырынбур губернасы имам-ахуны шәех Әхмәт хаҗи Рахманкулов
• Ватандашлар сугышыннан соң ― Урал өлкәсе имам-мөхтәсибе Габдрахман Рәсүлев
• 1990 елдан ― Свердловск һәм Чиләбе өлкәләре имам-мөхтәсибе Гомәр Вәлиев (1938 елгы)
• 1992 елдан ― Чиләбе өлкәсе имам-мөхтәсибе Габдулла Шакаев
• 1992 елның 21 октябреннән ― Чиләбе өлкәсе мөселманнарының төбәк Диния нәзарәте рәисе Габдулла Шакаев
• 2005 елның 29 декабреннән ― Чиләбе өлкәсе мөселманнарының төбәк Диния нәзарәте рәисе мөфти рангында Ринат хәзрәт Раев (2008 елдан УрФО баш мөфтие)^[2].

2006 елдан «Һиләл» (Яшь ай) газетасы чыга, Магнитогорск шәһәрендә бушлай мөселман китапханәсе ачылган. Чиләбе телевидениесендә, ОТВ каналында атна саен Ислам турында «Хилял» телетапшыруы эфирга чыга.

Мөфти резиденциясе Чиләбенең Ак мәчете комплексында урнашкан (Чиләбе шәһәре, Елькин ур., 16).

• Мөселманнарның Диния нәзарәте

• Официальный сайт РДУМ Челябинской области (рус.)