Антон Анатолевіч Кавалеўскі

Антон Кавалеўскі
Антон Кавалеўскі
Поўнае імя	Антон Анатолевіч Кавалеўскі
Нарадзіўся	2 лютага 1986 (39 гадоў); Магдэбург, акруга Магдэбург[d], ГДР;
Грамадзянства	Беларусь
Рост	186 см
Вага	83 кг
Пазіцыя	брамнік
Інфармацыя пра клуб
Клуб	Іслач
Пасада	трэнер брамнікаў
Клубная кар’ера
Нацыянальная зборная
Трэнерская кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ; ↑ Колькасць гульняў і галоў за нацыянальную зборную ў афіцыйных матчах ;

Антон Кавалеўскі (нар. 2 лютага 1986, Магдэбург, ГДР) — беларускі футбаліст, брамнік. У цяперашніч час працуе трэнерам брамнікаў у клубе «Іслач».

Клубная кар’ера

Гуляў за дубль «Нафтана» і МТЗ-РІПА, а з 2008 года стаў асноўным брамнікам наваполацкага клуба. У 2009 годзе саступіў месца ў аснове Мікалаю Раманюку і перайшоў у «Віцебск», дзе, аднак, таксама не здолеў замацавацца. Пасля гуляў за розныя клубы, у 2012 годзе разам з магілёўскім «Дняпром» стаў пераможцам Першай лігі.

У лютым 2013 года падпісаў кантракт з бабруйскай «Белшынай»^[2]. У «Белшыне» стаў другім брамнікам пасля Дзмітрыя Гушчанкі, але часам з’яўляўся і ў стартавым складзе. 19 кастрычніка 2013 года ў матчы з «Нафтанам» атрымаў цяжкую траўму ў сутыкненні з Ігарам Крывабокам^[3], але неўзабаве вярнуўся ў строй.

У студзені 2014 года падоўжыў кантракт з бабруйскім клубам. У сезоне 2014 чаргаваўся ў асноўным складзе з Андрэем Шчарбаковым. У канцы ліпеня 2014 года пакінуў бабруйскі клуб^[4]^[5].

У кастрычніку 2014 года далучыўся да першалігавай «Іслачы»^[6]. Стаў асноўным брамнікам гэтага клуба, але па заканчэнні сезона 2014 пакінуў «Іслач»^[7].

Міжнародная кар’ера

Выступаў за моладзевую зборнай Беларусі, быў запасным брамнікам на моладзевым чэмпіянаце Еўропы 2009 у Швецыі.

Трэнерская кар’ера

У 2015 годзе, завяршыўшы кар’еру, з’ехаў працаваць на Камчатку^[8]. Пасля вярнуўся ў Беларусь, стаў працаваць трэнерам брамнікаў у юнацкіх камандах^[9]. У маі 2024 года стаў трэнерам брамнікаў у асноўнай камандзе «Іслачы»^[10].

Дасягненні

Уладальнік Кубка Беларусі: 2009
Пераможца Першай лігі чэмпіянату Беларусі: 2012

Палітычныя погляды

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе^[11]^[12].