Аляксандр Уладзіміравіч Мартыновіч

Аляксандр Мартыновіч
Аляксандр Мартыновіч
Агульная інфармацыя
Поўнае імя	Аляксандр Уладзіміравіч Мартыновіч
Нарадзіўся	26 жніўня 1987[…] (37 гадоў); Мінск, БССР, СССР;
Грамадзянства	Беларусь; Расія
Рост	192 см
Вага	82 кг
Пазіцыя	абаронца
Інфармацыя пра клуб
Клуб	Кайрат
Нумар	14
Клубная кар’ера
2024—	Кайрат (Алматы)
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 ліпеня 2024. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 15 кастрычніка 2020 ;
	Медыяфайлы на Вікісховішчы

Аляксандр Мартыновіч (нар. 26 жніўня 1987, Мінск) — беларускі футбаліст, абаронца казахстанскага клуба «Кайрат» з Алматы. Ігрок нацыянальнай зборнай Беларусі.

Клубная кар’ера

Выхаванец мінскага Рэспубліканскага вучылішча алімпійскага рэзерву (РВАР). У сезоне 2003 гуляў за каманду РВАР у Другой лізе. З 2004 года гуляў за дубль мінскага «Дынама». У 2006 годзе дэбютаваў у асноўнай камандзе дынамаўцаў, а на наступны год замацаваўся ў аснове.

У ліпені 2010 года падпісаў кантракт з расійскім клубам «Краснадар», дзе таксама стаў іграком асновы. У сезоне 2011/12 «Краснадар» атрымаў месца ў расійскай Прэм’ер-лізе, дзе Аляксандр застаўся асноўным цэнтральным абаронцам каманды. У 2013 годзе стаў таксама капітанам «Краснадара». У сезоне 2014/15, аднак, стаў радзей з’яўляцца на полі.

У снежні 2014 года падоўжыў кантрат з «Краснадарам» да лета 2018 года. У чэрвені 2015 года быў аддадзены ў арэнду клубу «Урал» на 1 год^[5]. У складзе «Урала» выступаў пад кіраўніцтвам беларускіх спецыялістаў — спачатку Віктара Ганчарэнкі, потым Вадзіма Скрыпчанкі — і здолеў замацавацца ў аснове. У маі 2016 года па заканчэнні тэрміну арэнды вярнуўся ў «Краснадар»^[6]^[7]. У 2018 годзе зноў стаў капітанам каманды.

У маі 2022 года было абвешчана, што абаронца пакіне «Краснадар» па заканчэнні сезона^[8]. У чэрвені 2022 года ў якасці свабоднага агента падпісаў двухгадовы кантракт з казанскім «Рубінам»^[9]. Па выніках сезона 2022/23 дапамог камандзе вярнуцца ў Прэм’ер-лігу. У чэрвені 2024 года пакінуў «Рубін»^[10] і перайшоў у казахстанскі «Кайрат»^[11].

Міжнародная кар’ера

Выступаў у складзе моладзевай зборнай Беларусі на моладзевым чэмпіянаце Еўропы 2009 у Швецыі.

Дэбютаваў у нацыянальнай зборнай Беларусі 18 лістапада 2009 года ў таварыскім матчы супраць Чарнагорыі. Хутка стаў асноўным іграком зборнай. 17 лістапада 2010 года адзначыўся дублем у браму зборнай Амана ў таварыскім матчы.

У сакавіку 2015 года стаў капітанам зборнай Беларусі^[12].