Варайская Вікіпедыя

Варайская Вікіпедыя вар.: Waray Wikipedia
URL	war.wikipedia.org
Характар праекта	дабрачынны
Тып сайта	сеткавая энцыклапедыя
Рэгістрацыя	неабавязковая
Мова	варайская мова[d]
Уладальнік	Wikimedia
Пачатак працы	25 верасня 2005
Колькасць артыкулаў	1 273 992
Колькасць выяў	42
Колькасць старонак	2 877 773
Колькасць правак	7 711 751
Зарэгістраваных удзельнікаў	62 880
Актыўных удзельнікаў	77
Адміністратараў	3
Глыбіня	4,2
Медыяфайлы на Вікісховішчы

Варайская Вікіпедыя — раздзел Вікіпедыі на варайскай мове. Гэта 11-ы паводле велічыні раздзел Вікіпедыі ў свеце. Змяшчае 1 273 992 артыкулаў.

Варайская мова (Waray-Waray) выкарыстоўваецца на Філіпінах і істотна саступае па колькасці носьбітаў тагалогскай мове — самай распаўсюджанай у гэтай краіне. З пачатку 2010 года карыстальнік JinJian (студэнт інфарматыкі ўніверсітэта University of the Philippines Open University) актыўна ствараў мноства вельмі кароткіх артыкулаў (1-2 радкі). У жніўні 2010 у раздзеле налічвалася ўжо 100 000 (удвая больш, чым у тагалогскай). Пасля гэтага рост раздзела амаль спыніўся на 2,5 гады. Але з лютага 2013 пачала актыўна выкарыстоўвацца «ботазаліўка», якую здзяйсняў Сверкер Юхансан, шведскі навуковец і ўдзельнік Вікіпедыі, жонка якога паходзіла з Філіпін.

• 26 жніўня 2010 года быў створаны 100 000-ы артыкул.
• 8 чэрвеня 2014 колькасць артыкулаў перавысіла мільён, раздзел заняў 10 месца.
• 18 чэрвеня 2014 за кошт ботазаліўкі Варайская Вікіпедыя абагнала Польскую, заняўшы 9 месца.
• 28 чэрвеня 2014 В’етнамская Вікіпедыя абышла Варайскую, і скінула яе на 10 месца.
• 15 жніўня 2014 Себуанская Вікіпедыя абагнала Варайскую, скінуўшы яе на 11 месца.
• У жніўні–верасні 2014 года здарылася з’ява «перамяшчэння ўверх» Себуанскай і Варайскай Вікіпедый, у выніку якога, дадзеныя раздзелы Вікіпедыі абышлі некаторыя вялікія раздзелы. Вынікам сталі наступныя з’явы: 13 верасня 2014 года – Варайская Вікіпедыя абагнала В’етнамскую і заняла 10 месца. 19 верасня 2014 года – Варайская Вікіпедыя абагнала Іспанскую і стала 9-й. 22 верасня 2014 года – Варайская Вікіпедыя абагнала Італьянскую, заняўшы 8-е месца. 23 верасня 2014 года – Варайская Вікіпедыя абышла Рускую і стала 7-й.
• 8 кастрычніка 2014 у Варайскай Вікіпедыі налічвалася 1 200 000 артыкулаў.
• 9 кастрычніка 2014 Варайская Вікіпедыя абагнала Себуанскую, і заняла 6-е месца.
• 1 лістапада 2014 спынены ботазаліўкі, з гэтага моманту і да сённяшняга дня Варайская Вікіпедыя паступова страчвае пазіцыі ў агульным спісе Вікіпедый.

Па стану на 27 мая 2025, 21:47 (UTC) у Варайскай Вікіпедыі налічваецца 1 273 992 артыкулаў, большасць з іх — кароткія шаблонныя артыкулы пра біялагічныя віды жывёл, раслін і г.д. Раздзел знаходзіцца на 16-ым месцы сярод усіх раздзелаў Вікіпедый.

• Галоўная старонка варайскай Вікіпедыі