Генадзь Георгіевіч Барташэвіч

Генадзь Георгіевіч Барташэвіч
Надзвычайны і паўнамоцны пасол СССР у КНДР 13 кастрычніка 1987 — 10 кастрычніка 1990
Прэзідэнт	Міхаіл Гарбачоў
Папярэднік	Мікалай Міхайлавіч Шубнікаў
Пераемнік	Аляксандр Сямёнавіч Капто
2-гі сакратар ЦК КПБ 17 жніўня 1983 — 14 кастрычніка 1987
Папярэднік	Уладзімір Бровікаў
Пераемнік	Мікалай Ігруноў
Старшыня Мінскага гарадскога выканаўчага камітэта студзень 1977 — жнівень 1977
Кіраўнік урада	Ціхан Кісялёў
Папярэднік	Міхаіл Кавалёў
Пераемнік	Станіслаў Лукашэвіч
Нараджэнне	12 верасня 1934(1934-09-12) Менск, БССР, СССР
Смерць	8 кастрычніка 1993(1993-10-08) (59 гадоў) Мінск, Беларусь
Месца пахавання	Усходнія могілкі
Партыя	КПСС
Член у	ЦК КПСС
Адукацыя	БНТУ Мінская вышэйшая партыйная школа
Узнагароды

Гена́дзь Гео́ргіевіч Барташэ́віч (12 верасня 1934, Мінск — 8 кастрычніка 1993) — беларускі партыйны і дзяржаўны дзеяч, дыпламат.

Скончыў Беларускі політэхнічны інстытут у 1963 годзе, ВПШ у 1977 годзе. Працаваў дыктарам на Беларускім рэспубліканскім радыё, інжынерам-тэхнолагам, начальнікам тхнічнага бюро, намеснікам загадчыка аддзела тэхнічнага кантролю на МЗКР.

З 1967 года на партыйнай рабоце: сакратар Маладзечанскага, 1-ы сакратар Мінскага гаркама КПБ, старшыня Мінскага гарвыканкама. З 1983 года 2-і сакратар ЦК КПБ.

У 1987—91 гадах надзвычайны і паўнамоцны пасол СССР у КНДР. З 1993 года пасол па асобых даручэннях Міністэрства замежных спраў Рэспублікі Беларусь.

Член ЦК і бюро ЦК КП(б)Б (1983—1987), член ЦК КПСС (1986—1991), дэпутат Вярхоўнага Савета СССР (1979—1989), Дэпутат Вярхоўнага Савета БССР (1975—1980 і 1985—1990).

• Мальдзіс А. В. Барташэ́віч Генадзь Георгіевіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 320. — 10 000 экз. — ISBN 985-11-0035-8. — ISBN 985-11-0061-7 (т. 2).