Георгій Станіслававіч Таразевіч

Георгій Станіслававіч Таразевіч
Старшыня Прэзідыума Вярхоўнага Савета БССР 29 лістапада 1985 — 28 ліпеня 1989
Папярэднік	Іван Палякоў
Пераемнік	Мікалай Дземянцей
Надзвычайны і паўнамоцны пасол РБ у Польшчы 1994 — 1995
Прэзідэнт	Аляксандр Лукашэнка
Папярэднік	Уладзімір Сянько
Пераемнік	Віктар Бурскі
Нараджэнне	17 ліпеня 1937(1937-07-17)[1] Слабада, Віленскае ваяводства, Польская Рэспубліка[1]
Смерць	21 сакавіка 2003(2003-03-21) (65 гадоў) Мінск, Беларусь
Месца пахавання	Усходнія могілкі
Нацыянальнасць	беларус
Партыя	КПСС Беларуская сацыял-дэмакратычная партыя (Народная Грамада)
Член у	ЦК КПСС
Адукацыя	Львоўская палітэхніка Акадэмія грамадскіх навук пры ЦК КПСС[d] (1987)
Навуковая ступень	кандыдат тэхнічных навук[1] (1969)
Дзейнасць	геадэзія
Месца працы	БелІІЧТ
Узнагароды

Георгій Станіслававіч Таразевіч (17 ліпеня 1937, Слабада, цяпер Мядзельскі раён — 21 сакавіка 2003, Мінск) — савецкі і беларускі палітычны дзеяч.

Георгій Таразевіч нарадзіўся 17 ліпеня 1937 года ў вёсцы Слабада Віленскага ваяводства Польшчы, цяпер Мядзельскага раёна Мінскай вобласці. У 1959 годзе ён скончыў Львоўскі політэхнічны інстытут па спецыяльнасці «інжынер-геадэзіст», праз дзесяць гадоў абараніў кандыдацкую дысертацыю (кандыдат тэхнічных навук).

• 1959—1962 — інжынер-геадэзіст геадэзічнага атрада № 6 Заходняга аэрагеадэзічнага прадпрыемства, г. Гомель.
• 1962—1966 — старэйшы геадэзіст, галоўны геадэзіст атрада № 6, г. Гомель.
• 1966—1969 — в. а. дацэнта, старшы выкладчык Беларускага інстытута інжынераў чыгуначнага транспарту (Гомель).
• 1969—1972 — начальнік прадпрыемства № 5, г. Мінск.

• 1972—1973 — другі сакратар Савецкага райкама КПБ г. Мінска.
• 1973—1977 — першы сакратар Савецкага райкама КПБ г. Мінска.
• 1977—1980 — другі сакратар Мінскага гаркама КПБ.
• 1980—1983 — старшыня выканкама Мінскага гарадскога Савета народных дэпутатаў.
• 1983—1985 — першы сакратар Мінскага гаркама КПБ.

З 29 лістапада 1985 па 28 ліпеня 1989 Старшыня Прэзідыума Вярхоўнага Савета БССР.

Уваходзіў у Вярхоўны Савет СССР, дзе ўзначальваў дзве камісіі: па міжнацыянальных адносінах і планава-бюджэтную. Пабываў у шматлікіх гарачых пунктах: у Нагорным Карабаху, Тбілісі, Баку, Вільні.

Давераная асоба Міхаіла Гарбачова. Выконваў пры ім функцыі свайго роду пасла па адмысловых даручэннях у гарачых пунктах.

Пасля атрымання Беларуссю незалежнасці вярнуўся на Радзіму. Быў першым намеснікам Міністра замежных спраў, Надзвычайным і Паўнамоцным Паслом у Польшчы (1994—1995). Негатыўна паставіўся да правядзення майскага рэферэндума 1995 года. Адкрыта выказаўся ў абарону нацыянальнай сімволікі і беларускай мовы. У чэрвені 1995 года распараджэннем Прэзідэнта Беларусі вызвалены ад абавязкаў. Быў сябрам Беларускай сацыял-дэмакратычнай партыі (Народнай Грамады), старшынёй яе Цэнтральнай Рэвізійнай Камісіі. У лютым 1998 года ўвайшоў у Нацыянальны выканаўчы камітэт, створаны беларускай апазіцыяй. Стаў старшынёй камітэта па нацыянальных і рэлігійных адносінах Нацыянальнага выканаўчага камітэта.

З выступленняў Георгія Таразевіча ў друку:

Я прывык казаць людзям праўду, тое, што думаю. За гэта меў у жыцці нямала непрыемнасцяў. І з апошняй маёй пасады пасла Беларусі ў Польшчы вызвалілі «ў сувязі з пераходам на іншую работу». Толькі вось якая гэтая работа, нават сам не ведаю і па сённяшні дзень… З аднаго боку, апынацца ў такой сітуацыі непажадана, а з другога — сумленне перад людзьмі чыстае, што на мой погляд, больш важна… ^[2].

Памёр 21 сакавіка 2003 года ў Мінску. Георгія Таразевіча пахавалі на Усходніх могілках у Мінску.

• Таразе́віч Георгій Станіслававіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 432—433. — 10 000 экз. — ISBN 985-11-0035-8. — ISBN 985-11-0251-2 (т. 15).
• Таразе́віч Георгій Станіслававіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 502. — 10 000 экз. — ISBN 985-11-0214-8.

• Біяграфія Георгія Таразевіча на slounik.org (руск.)
• Стрелец М. В. Г. С. Таразевич: штрихи к портрету // Известия Общества археологии, истории и этнографии при Казанском университете, 2020. (руск.)