Дзмітрый Андрэевіч Фурманаў

Дзмітрый Андрэевіч Фурманаў
Дзмітрый Андрэевіч Фурманаў
	Дмитрий Андреевич Фурманов
Дата нараджэння	26 кастрычніка (7 лістапада) 1891
Месца нараджэння	Фурманаў, Сярэдская воласць[d], Нерахцкі павет[d], Кастрамская губерня, Расійская імперыя;
Дата смерці	15 сакавіка 1926 (34 гады)
Месца смерці	Масква, Маскоўская губерня, РСФСР, СССР;
Месца пахавання	Новадзявочыя могілкі;
Жонка	Ганна Мікіцішна Сцяшэнка[d]
Альма-матар	гісторыка-філалагічны факультэт Маскоўскага ўніверсітэта[d] (1915);
Грамадзянства	Расійская імперыя; СССР; РСФСР[d];
Званне	генерал
Бітвы/войны	Першая сусветная вайна; Грамадзянская вайна ў Расіі;
Узнагароды і званні
	Медыяфайлы на Вікісховішчы

Дзмітрый Андрэевіч Фурманаў (руск.: Дмитрий Андреевич Фурманов) — (26 кастрычніка (7 лістапада) 1891, сяло Серада, Расійская імперыя — 15 сакавіка 1926, Масква, РСФСР, СССР) — савецкі пісьменнік-празаік, рэвалюцыянер, ваенны і палітычны дзеяч.

Біяграфія

Нарадзіўся 26 кастрычніка (7 лістапада) 1891 года ў сяле Серада Кастрамской губерні (цяпер горад Фурманаў Іванаўскай вобласці) у сялянскай сям’і.

У 1909—1912 гадах вучыўся ў рэальным вучылішчы горада Кінешма.

У 1912—1914 гадах вучыўся на філалагічным факультэце Маскоўскага ўніверсітэта. У гады Першай сусветнай вайны быў братам міласэрнасці.

У 1917—1918 гадах — эсэр-максімаліст, затым — анархіст. З 1918 года — член РКП(б).

Удзельнік грамадзянскай вайны ў Расіі: са студзеня 1919 года — камісар 25-й стралковай дывізіі, са жніўня 1919 года — начальнік палітуправы Туркестанскага фронту, з сакавіка 1920 года — упаўнаважаны па Сямірэчанскай вобласці, удзельнічаў у падаўленні антысавецкага паўстання ў Сямірэччы, знішчэнні врангелеўскага дэсанту на Кубані.

З 1921 года ў Маскве, на літаратурнай працы. У 1924 годзе скончыў факультэт грамадскіх навук Маскоўскага ўніверсітэта.

У 1924—1925 гадах — сакратар Маскоўскай асацыяцыі пралетарскіх пісьменнікаў (МАПП).

Памёр 15 сакавіка 1926 года ад менінгіту. Пахаваны ў Маскве на Новадзявочых могілках.