Касцёл Святога Антонія (Слуцк)

Каталіцкі храм
Касцёл Святога Антонія
53°02′33″ пн. ш. 27°34′37″ у. д.HGЯO
Краіна	Беларусь
Горад	Слуцк
Канфесія	Каталіцызм
Епархія	Мінска-Магілёўская архідыяцэзія
Будаўніцтва	1992—2000 гады
Стан	дзейнічае
Медыяфайлы на Вікісховішчы

Касцёл Святога Антонія — мураваны каталіцкі храм у горадзе Слуцку Мінскай вобласці. Уваходзіць у комплекс каталіцкага францысканскага кляштара. Знаходзіцца на вуліцы Зялёнай, 78.

Парафія існуе з 1734 года. Парафія адроджана ў 1992 годзе. У 1993 годзе пачалося будаванне касцёла. 11 лістапада 2000 года адбылося асвячэнне касцёла, правёў яго кардынал Казімір Свёнтак^[1].

Касцёл прамавугольны ў плане, пакрыты двухсхільным дахам з вальмай над трохгранным алтарным выступам. З боку галоўнага фасада да ўвахода ў храм, які аформлены адкрытай галерэяй, вядзе шырокі ступеньчаты пад’ём з балюстрадай. Над галерэяй другім ярусам размяшчаецца невялікі прамавугольны ў плане аб’ём хораў, фасадную сцяну якога амаль поўнасцю займае арачнае акно. Унутраная прастора храма зальная. Бакавыя сцены праразаюць вузкія аконныя праёмы.

З правага боку пры ўваходзе ў храм узвышаецца магутная чацверыковая, пакрытая шатром, вежа-званіца, у якой размешчаныя ўверсе праёмы маюць крыжападобную форму.

У верасні 2000 года польскія спецыялісты ўсталявалі ў касцёле зроблены іспанскімі майстрамі арган^[2].

• Нясвіжскі дэканат

• Слуцк — парафія Cв. Антонія на Catholic.by