Крутаўцы

Вёска Крутаўцы Краіна Беларусь Вобласць Брэсцкая Раён Баранавіцкі Сельсавет Маўчадскі Каардынаты 53°17′44″ пн. ш. 25°51′12″ у. д.HGЯO Вышыня цэнтра 214 м[1] Насельніцтва ▼10 чал. (2019) Часавы пояс UTC+3 Тэлефонны код +375 163 Паштовыя індэксы 225342 Аўтамабільны код 1 СААТА 1204854026 Крутаўцы на карце Беларусі ±

Крутаўцы́^[2] (трансліт.: Krutaŭcy, руск.: Крутовцы) — вёска ў Баранавіцкім раёне Брэсцкай вобласці. Уваходзіць у склад Маўчадскага сельсавета. Размешчана за 24 км на паўночны захад ад Баранавіч, за 8 км ад чыгуначнай станцыі Міцкевічы на лініі Баранавічы—Ліда. Насельніцтва 45 жыхароў, 32 гаспадаркі (2005).

Паводле перапісу 1897 года ў Гарадзішчанскай воласці Навагрудскага павета Мінскай губерні, 61 двор, 387 жыхароў, хлебазапасны магазін, карчма. У 1909 годзе 77 двароў, 460 жыхароў.

З 1921 года ў складзе Польшчы, у Гарадзішчанскай гміне Навагрудскага павета.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года акупіраваны нямецка-фашысцкімі захопнікамі. На франтах вайны загінулі 6 вяскоўцаў.

Да 14 красавіка 1960 года вёска ўваходзіла ў склад Гірмантаўскага сельсавета^[3].

• XIX стагоддзе:
  • 1897 — 61 двор, 387 жыхароў.
• XX стагоддзе:
  • 1909 — 77 двароў, 460 жыхароў.
  • 1998 — 72 двары, 54 жыхары.
• XXI стагоддзе:
  • 2005 — 45 жыхароў, 32 гаспадаркі.

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

• На Вікісховішчы пакуль няма медыяфайлаў па тэме, але Вы можаце загрузіць іх