Крывіцкі сельсавет

Крывіцкі сельсавет
Краіна	Беларусь
Уваходзіць у	Мядзельскі раён
Уключае	26 населеных пунктаў
Адміністрацыйны цэнтр	Крывічы
Дата ўтварэння	12 кастрычніка 1940, 30 кастрычніка 2009
Дата скасавання	28 чэрвеня 1958
Насельніцтва (2019)	1 837
Часавы пояс	UTC+03:00
Паштовыя індэксы	222376
Код аўтам. нумароў	5

Крыві́цкі сельсавет — адміністрацыйна-тэрытарыяльная адзінка ў складзе Мядзельскага раёна Мінскай вобласці Беларусі. Цэнтр — гарадскі пасёлак Крывічы.

Утвораны 12 кастрычніка 1940 года ў складзе Крывіцкага раёна Вілейскай вобласці БССР. Цэнтр — вёска Крывічы. З 20 верасня 1944 года ў складзе Маладзечанскай вобласці. 28 чэрвеня 1958 года сельсавет скасаваны, усе населеныя пункты перададзены ў адміністрацыйнае падпарадкаванне Крывіцкага пассавета.

З 20 студзеня 1960 года пассавет у складзе Мінскай вобласці. З 25 снежня 1962 года ў складзе Мядзельскага раёна. 27 снежня 1962 года ў склад Касцяневіцкага сельсавета Вілейскага раёна перададзены 4 населеныя пункты (Лоцевічы, Навасёлкі, Субачы і Цярэшкі)^[1]. 8 чэрвеня 1963 года да пассавета далучана тэрыторыя скасаванага Сіўцаўскага сельсавета^[2]. 30 кастрычніка 2009 года Крывіцкі пассавет рэарганізаваны ў сельсавет, да сельсавета далучана тэрыторыя скасаванага Пузыроўскага сельсавета (12 населеных пунктаў: Васілеўшчына, Вераб'і, Грыбкі, Дубаносы, Завуголле, Залессе, Капусцічы, Кулікова, Маставікі, Навасёлкі, Папоўка і Пузыры)^[3].

Насельніцтва пассавета паводле перапісу 2009 года (13 населенных пунктаў, без Крывічаў) — 559 чалавек^[4], з іх 97,1 % — беларусы, 1,6 % — рускія^[5]; паводле перапісу 2019 года (26 населеных пунктаў) — 1837 чалавек^[6].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.