Марына Сяргееўна Вязоўская

Марына Сяргееўна Вязоўская
Марына Сяргееўна Вязоўская
	укр.: Марина Сергіївна Вязо́вська
Дата нараджэння	2 снежня 1984 (40 гадоў)
Месца нараджэння	Кіеў, УССР, СССР;
Грамадзянства	Украіна;
Муж	Daniel Yevtushinsky[d]
Род дзейнасці	матэматык, выкладчыца ўніверсітэта
Навуковая сфера	матэматыка і тэорыя лікаў
Месца працы	HU Berlin; Інстытут матэматыкі НАН Украіны; Федэральная політэхнічная школа Лазаны; Berlin Mathematical School[d];
Навуковая ступень	кандыдат фізіка-матэматычных навук (май 2010) і доктар прыродазнаўчых навук[d] (2013)
Альма-матар	Kyiv Natural Science Lyceum No. 145[d] (2001); Бонскі ўніверсітэт (2013); Кіеўскі нацыянальны ўніверсітэт імя Тараса Шаўчэнкі (2005); University of Kaiserslautern-Landau[d] (2007);
Навуковы кіраўнік	Дон Цагір[d] і Werner Müller[d]
Член у	Еўрапейская акадэмія[d]; Леапальдзіна;
Узнагароды	прэмія Салема[d] (2016) Прэмія Матэматычнага інстытута Клэя[d] (2017) Еўрапейская прэмія па камбінаторыцы[d] (2017) прэмія SASTRA Ramanujan[d] (2017) Новыя гарызонты ў матэматыцы[d] (2018) прэмія Рут Сатэр[d] (2019) прэмія Ферма (2019) нацыянальная прэмія Лаціса[d] (2020) Прэмія Еўрапейскага матэматычнага таварыства[d] (2020) Філдсаўская прэмія (2022) 100 жанчын (2022) honorary doctorate from Sorbonne University[d] (2025)
Сайт	people.epfl.ch/ma… (фр.)
	Медыяфайлы на Вікісховішчы

Марына Сяргееўна Вязоўская (укр.: Мари́на Сергі́ївна В'язо́вська; нар. 2 снежня 1984, Кіеў, УССР) — украінскі матэматык. Кандыдат фізіка-матэматычных навук (Інстытут матэматыкі НАН Украіны, 2010), Dr. rer. nat.^[de]^{[к. 1]}(Бонскі ўніверсітэт, 2013). З’яўляецца аўтарам рашэння задачы аб ўпакоўцы шароў у васьмімернай прасторы.

Біяграфія

Расла ў Кіеве, вучылася ў Кіеўскім прыродазнаўча-навуковым ліцэі № 145, прымала ўдзел у алімпіядах па матэматыцы. Вучылася на механіка-матэматычным факультэце Кіеўскага нацыянальнага універсітэта імя Тараса Шаўчэнкі^[7]. Кожны год займала прызавыя месцы на Міжнароднай студэнцкай алімпіядзе па матэматыцы у 2002—2005 гадах, заваяваўшы першыя прызы ў 2002 і 2005 гадах^[8]. Пасля гэтага працягнула навучанне ў Германіі і атрымала ступень магістра ў Кайзерслаўтэрне^[7] у 2007 годзе.

У маі 2010 года абараніла кандыдацкую дысертацыю ў Інстытуце матэматыкі НАН Украіны на тэму «Няроўнасці для паліномаў і рацыянальных функцый і квадратурныя формулы на сферы». У 2013 годзе атрымала доктарскую ступень (Dr. rer. nat.^[de]) ў Бонскім універсітэце. Яе доктарская дысертацыя «Мадулярныя функцыі і спецыяльныя цыклы» (англ.: Modular Functions and Special Cycles) напісана пад кіраўніцтвам Дона Цагіра і звязаная з аналітычнай тэорыяй лікаў.

Служыла постдоктарскім даследчыкам у Берлінскай матэматычнай школе і Берлінскім універсітэце імя Гумбальта^[9].

У цяперашні час — ардынарны прафесар у Федэральнай політэхнічнай школе Лазаны, Швейцарыя.

Задача аб ўпакоўцы шароў

У 2016 годзе Вязоўская вырашыла задачу аб ўпакоўцы шароў ў васьмімернай прасторы і, у суаўтарстве, — у 24-мернай. Раней задача ўпакоўкі шароў была вырашана толькі для прастор з трыма і менш вымярэннямі, а рашэнне трохмернага выпадку (гіпотэзы Кеплера) было выкладзена на 300 старонках тэксту з выкарыстаннем 50 000 радкоў праграмнага кода. Разам з тым, рашэнне Вязоўскай васьмімернага выпадку займае ўсяго 23 старонкі і з’яўляецца «ашаламляльна простым»^[9]. На даследаванне гэтай задачы Вязоўскую натхніў Кіеўскі матэматык Андрэй Бандарэнка. Над рашэннем яна працавала два гады ў Берліне. За рашэнне задачы ўпакоўкі шароў Марыне Вязоўскай ў 2016 годзе прысуджана прэстыжная прэмія Салема^[10].

Абраныя працы

Andriy Bondarenko, Danylo Radchenko, Maryna Viazovska. Optimal asymptotic bounds for spherical designs // Annals of Mathematics. Second Series. — 2013. — Vol. 178. — № 2. — P. 443–452. — DOI:10.4007/annals.2013.178.2.2 — arΧiv:1009.4407
Maryna Viazovska. The sphere packing problem in dimension 8. — 2016. — arΧiv:1603.04246
Henry Cohn, Abhinav Kumar, Stephen D. Miller, Danylo Radchenko, Maryna Viazovska. The sphere packing problem in dimension 24. — 2016. — arΧiv:1603.06518

Асабістае жыццё

Муж — фізік. Ёсць сын^[11].

Узнагароды і прэміі

Міжнародная прэмія імя Р. Салема (2016)
Прэмія матэматычнага інстытута Клэя (2017)
Прэмія SASTRA Рамануджан (2017)
Новыя гарызонты матэматыкі (2018)^[12]
Прэмія Ферма (2019)
Прэмія Рут Літл Сатэр (2019)
Філдсаўская прэмія (2022)
Ордэн «За заслугі» I ступені (2022)

Заўвагі

↑ Doktor der Naturwissenschaften (Dr. rer. nat., бел. доктар прыродазнаўчых навук) з’яўляецца навуковай ступенню ў Германіі, якая прызнаецца эквівалентнай беларускаму званню кандыдат навук.