Міхайлава (Мсціслаўскі раён)

Вёска Міхайлава Краіна Беларусь Вобласць Магілёўская Раён Мсціслаўскі Сельсавет Ходасаўскі Каардынаты 53°51′44″ пн. ш. 31°25′22″ у. д.HGЯO Насельніцтва ▼17 чал. (2009) Часавы пояс UTC+3 Тэлефонны код +375 2240 Аўтамабільны код 6 СААТА 7246808036 Міхайлава на карце Беларусі ±

Міха́йлава^[1] (трансліт.: Michajlava, руск.: Михайлово) — вёска ў Мсціслаўскім раёне Магілёўскай вобласці. Уваходзіць у склад Ходасаўскага сельсавета.

Да 22 лютага 2012 года вёска ўваходзіла ў склад Забалацкага сельсавета^[2].

Назва напэўна ад уласнага імя Міхаіл (Міхайла). Паводле падання, Міхаіл пабудаваў першы дом на месцы паселішча.

У 1714 г. у Крычаўскім старостве Мсціслаўскага ваяводства, дзяржаўная ўласнасць. У 1727 г. хутар Міхайлаў у Беліцкай воласці Чэрыкаўскага павета Магілёўскай губерні. У 1910 г. адкрыта царкоўнапрыходская школа.

Савецкая ўлада ўстаноўлена ў студзені 1918 г. У 1931 г. арганізаваны калгас «Перамога», які ў 1932 г. аб'ядноўваў 52 гаспадаркі, меў 431 га ворыва і кузню. У 1940 г. да вёскі далучаны хутар Калоша.

У Вялікую Айчынную вайну ад 15 ліпеня 1941 г. да 30 верасня 1943 г. акупіравана нямецка-фашысцкімі захопнікамі. У 1999 г. у складзе саўгаса «Забалацце».

• 1727 год — 15 двароў, 107 жыхароў
• 1909 год — 37 двароў, 179 жыхароў
• 2012 год — 17 жыхароў
• 2013 год — 18 жыхароў
• 2014 год — 16 жыхароў
• 2015 год — 13 жыхароў
• 2016 год — 12 жыхароў

• На Вікісховішчы пакуль няма медыяфайлаў па тэме, але Вы можаце загрузіць іх