Пабеда (Мсціслаўскі раён)

Вёска Пабеда Краіна Беларусь Вобласць Магілёўская Раён Мсціслаўскі Сельсавет Ходасаўскі Каардынаты 53°58′21″ пн. ш. 31°28′23″ у. д.HGЯO Ранейшыя назвы Сапалава Насельніцтва ▼6 чал. (2009) Часавы пояс UTC+3 Тэлефонны код +375 2240 Аўтамабільны код 6 СААТА 7246852031 Пабеда на карце Беларусі ±

Пабеда на Вікісховішчы

Пабе́да^[1] (трансліт.: Pabieda, руск.: Победа), да 1947 года Сапалава — вёска ў Мсціслаўскім раёне Магілёўскай вобласці. Уваходзіць у склад Ходасаўскага сельсавета.

Размешчана за 20 км на паўднёвы захад ад Мсціслава, за 81 км ад Магілёва, за 5 км ад чыгуначнай станцыі Ходасы на лініі Орша—Сураж. Рэльеф раўнінны. На поўначы цячэ рака Альхоўка (прыток ракі Белая Натапа), а на паўднёвым усходзе з ёю злучаны меліярацыйны канал. Транспартныя сувязі на мясцовай дарозе і далей па шашы Мсціслаў—Магілёў.

У 1667 г. сяло Сапалава ў Мсціслаўскім ваяводстве, шляхецкая ўласнасць, якая была знішчана ў вайну 1654—1667 гадоў. У 1880-я гады апроч земляробства частка жыхароў займалася сталярным промыслам. У 1897 годзе Доўгавіцкай воласці Чэрыкаўскага павета Магілёўскай губерні. У 1909 годзе паблізу вёскі быў аднайменны маёнтак, які належаў Дубягу.

Савецкая ўлада ўстаноўлена ў студзені 1918 г., арганізаваны калгас «Чырвоны дзень», абслугоўвала яго Ходасаўская МТС імя Тэльмана. Працавала ваўначоска. У 1940 годзе да вёскі далучана в. Шапялі.

У Вялікую Айчыннаю вайну ад 14 ліпеня 1941 г. да 28 верасня 1943 г. была акупавана нямецка-фашысцкімі захопнікамі.

Да 18 лістапада 1966 года вёска ўваходзіла ў склад Мазалаўскага сельсавета^[2].

У 1999 г. у складзе саўгаса імя Тэльмана.

Станам на 2016 год у складзе Мсціслаўскага «Райаграпрамтэхзабеспячэння».

• 1880 год — 30 двароў, 184 жыхары
• 1897 год — 14 двароў, 74 жыхары
• 1909 год — 14 двароў, 67 жыхароў; у маёнтку — 2 двары, 18 жыхароў
• 2007 год-18 двароў, 28 жыхароў
• 2016 год- 7 двароў, 9 жыхароў

• 
  Дарога ў вёску Пабеда
• 
  Від

• На Вікісховішчы ёсць медыяфайлы па тэме Пабеда (Мсціслаўскі раён)