Міхаіл Уладзіміравіч Дражын

Міхаіл Уладзіміравіч Дражын
Старшыня Магілёўскага аблвыканкама 12 сакавіка 1999 — 17 кастрычніка 2000
Кіраўнік урада	Сяргей Лінг Уладзімір Ярмошын
Папярэднік	Аляксандр Кулічкоў
Пераемнік	Барыс Батура
Нараджэнне	1951 Дражна, Падарэскі сельсавет, Старадарожскі раён, Бабруйская вобласць, Беларуская ССР, СССР
Адукацыя	Віцебская дзяржаўная акадэмія ветэрынарнай медыцыны Мінская вышэйшая партыйная школа
Узнагароды

Міхаі́л Уладзі́міравіч Дра́жын (нар. 1951, Дражна, Старадарожскі раён, Мінская вобласць) — беларускі гаспадарчы і дзяржаўны дзеяч, былы старшыня Магілёўскага аблвыканкама.

Нарадзіўся ў 1951 годзе ў аграгарадку Дражна Старадарожскага раёна Мінскай вобласці. Скончыў Віцебскі ветэрынарны інстытут і Мінскую вышэйшую партыйную школу.

З 1971 года працаваў у гаспадарках Асіповіцкага раёна: фельчарам у саўгасе імя Ульянава, намеснікам старшыні калгаса «Бальшавік».

У 1980—1984 гадах — старшыня калгаса імя Валадарскага.

У 1985—1989 гадах — старшыня Магілёўскага раённага аграпрамысловага аб’яднання.

У 1989—1991 гадах — адказны арганізатар ЦК КПБ.

У 1991—1993 гадах — саветнік па аграпрамысловаму комплексу вытворчасці Рэспублікі Малдова ў Беларусі.

У 1993—1998 гадах працаваў генеральным дырэктарам аграгандлёвай фірмы «Ждановічы» Мінскага раёна.

У 1998 годзе быў прызначаны першым намеснікам старшыні Мінскага аблвыканкама.

У 1999^[1]—2000^[2] гадах — старшыня Магілёўскага аблвыканкама.

Быў прызначаны генеральным дырэктарам РУП «Мінскаўтазапраўка», пасля да 2012 года быў спецыяльным прадстаўніком расійскай нафтавай кампаніі «Русснефть»^[3].

Узнагароджаны ордэнам «Знак Пашаны» і медалём «За працоўныя заслугі».

• Дражин Михаил Владимирович. Биография (руск.)