Анатоль Міхайлавіч Ісачанка

Анатоль Міхайлавіч Ісачэнка
Старшыня Магілёўскага абласнога выканаўчага камітэта з 13 снежня 2021
Прэзідэнт	Аляксандр Лукашэнка
Папярэднік	Леанід Заяц
Старшыня Мінскага аблвыканкама 4 ліпеня 2017 — 29 лістапада 2019
Прэзідэнт	Аляксандр Лукашэнка
Папярэднік	Сямён Шапіра
Пераемнік	Аляксандр Турчын
Нараджэнне	15 сакавіка 1966(1966-03-15) (59 гадоў) Кузнец[d], Ражноўскае сельскае пасяленне[d], Клінцоўскі раён, Бранская вобласць, РСФСР, СССР
Веравызнанне	праваслаўе
Адукацыя	Факультэт механізацыі сельскай гаспадаркі БДСГА Акадэмія кіравання пры Прэзідэнце Рэспублікі Беларусь
Узнагароды
Сайт	isachenko.by
Медыяфайлы на Вікісховішчы

Анато́ль Міха́йлавіч Іса́чанка (нар. 1966) — беларускі дзяржаўны дзеяч. Старшыня Магілёўскага абласнога выканаўчага камітэта (з 2021 года).

Нарадзіўся ў 1966 годзе ў вёсцы Кузнец Клінцоўскага раёна Бранскай вобласці.

У 1988 годзе скончыў Беларускую сельскагаспадарчую акадэмію, у 2005 годзе — Акадэмію кіравання пры Прэзідэнце Рэспублікі Беларусь.

Працоўную дзейнасць пачаў старшым інжынерам калгаса «Савецкая Беларусь» у Горацкім раёне Магілёўскай вобласці. Пасля займаў розныя кіруючыя пасады, з 2000 года — старшыня калгаса «Гарадзец» Шклоўскага раёна. У 2002—2004 гадах — намеснік, першы намеснік старшыні Шклоўскага райвыканкама, у 2004—2008 гадах — старшыня Кіраўскага райвыканкама, а з 2008 па 2014 год быў намеснікам старшыні Магілёўскага аблвыканкама па сельскай гаспадарцы.

У 2014—2016 гадах — старшыня Магілёўскага абласнога Савета дэпутатаў.

16 снежня 2016 года быў прызначаны памочнікам Прэзідэнта Рэспублікі Беларусь па Мінскай вобласці^[1].

З 4 ліпеня 2017 года — старшыня Мінскага абласнога выканаўчага камітэта^[2]. Быў адстаўлены з пасады 29 лістапада 2019 года і неўзабаве прызначаны Прэзідэнтам у склад Савета Рэспублікі 7-га склікання, 8 снежня 2019 года быў абраны намеснікам старшыні Савета Рэспублікі.

13 снежня 2021 года прызначаны старшынёй Магілёўскага аблвыканкама^[3]. У эфіры «Беларусь 1» ад 19 ліпеня 2022 года заявіў, што заробак у Магілёўскай вобласці нізкі і «абсалютна не дастатковы», але сітуацыя на рынку працы стабільная, бо «ёсць рабочыя месцы і чалавек пры жаданні можа заўсёды ўладкавацца».

• Работать в одной связке (руск.)(недаступная спасылка). Мінская праўда (19 снежня 2016). Архівавана з першакрыніцы 7 ліпеня 2017.