Васіль Канстанцінавіч Луцкін

Васіль Канстанцінавіч Луцкін
Васіль Канстанцінавіч Луцкін
	снежань 1964 — люты 1974
Кіраўнік урада	Ціхан Кісялёў
Папярэднік	Глеб Крывулін (сельск.); Міхаіл Заваротны (прам.)
Пераемнік	Віталь Прышчэпчык
	студзень 1963 — 11 снежня 1964
Кіраўнік урада	Ціхан Кісялёў
Папярэднік	пасада заснаваная
Пераемнік	пасада скасаваная
	сакавік 1959 — студзень 1963
Кіраўнік урада	Ціхан Кісялёў
Папярэднік	Раман Мачульскі
Пераемнік	Канстанцін Мацюшэўскі
Нараджэнне	5 красавіка 1914; Мсціслаўскі павет, Магілёўская губерня, Расійская імперыя;
Смерць	2 ліпеня 1981 (67 гадоў); Магілёў, Магілёўская вобласць, БССР, СССР;
Партыя	УКП(б);
Бітвы	Вялікая Айчынная вайна; савецка-фінляндская вайна;

Васі́ль Канстанці́навіч Луцкін (23 сакавіка (5 красавіка) 1914, в. Пустынкі Мсціслаўскага павета Магілёўскай губерні (цяпер Мсціслаўскага раёна Магілёўскай вобласці) — 2 ліпеня 1981, Магілёў) — савецкі і беларускі дзяржаўны і партыйны дзеяч, старшыня Брэсцкага (1959—1964) і Магілёўскага (1964—1974) аблвыканкамаў.

Біяграфія

Член УКП(б) з 1940 г.

Скончыў Мсціслаўскі педагагічны тэхнікум (1934).

Працоўную дзейнасць пачаў настаўнікам у Мсціслаўскім раёне. Вучыўся на курсах у Ваенна-палітычнай акадэміі імя У. І. Леніна, затым служыў у Лепельскім артылерыйска-мінамётным вучылішчы. Удзельнік Вялікай Айчыннай вайны. У ліпені 1944 года на рацэ Шчара быў цяжка паранены, стаў інвалідам 2-й групы, дэмабілізаваны.

З верасня 1944 года працаваў дырэктарам Мсціслаўскай школы № 1, загадчыкам аддзела прапаганды і агітацыі Магілёўскага абкама КП(б)Б.

1947—1949 гг. — сакратар Брэсцкага абласнога камітэта КП(б) Беларусі,
1958—1959 гг. — другі сакратар Брэсцкага абласнога камітэта КП(б) Беларусі,
1959—1963 гг. — старшыня выканаўчага камітэта Брэсцкага абласнога Савета,
1963—1964 гг. — старшыня выканаўчага камітэта Брэсцкага сельскага абласнога Савета,
1964—1974 гг. — старшыня выканаўчага камітэта Магілёўскага абласнога Савета.

З 1974 года персанальны пенсіянер, жыў у Магілёве.

Член ЦК КПБ (1960—1976), Дэпутат Вярхоўнага Савета БССР (1955—1975), член Прэзідыума Вярхоўнага Савета БССР 5-га, 7-га і 8-га скліканняў.