Леанід Канстанцінавіч Заяц

Леанід Канстанцінавіч Заяц
Леанід Канстанцінавіч Заяц
	21 сакавіка 2022 — 11 красавіка 2024
Прэзідэнт	Аляксандр Лукашэнка
Кіраўнік урада	Раман Галоўчанка
Папярэднік	Аляксандр Субоцін
	1 красавіка 2019 — 13 снежня 2021
Прэзідэнт	Аляксандр Лукашэнка
Папярэднік	Уладзімір Даманеўскі
Пераемнік	Анатоль Ісачэнка
	21 жніўня 2012 — 27 сакавіка 2019
Прэзідэнт	Аляксандр Лукашэнка
Кіраўнік урада	Міхаіл Мясніковіч; Андрэй Кабякоў; Сяргей Румас
Папярэднік	Міхаіл Русы
Пераемнік	Анатоль Хацько
Нараджэнне	30 верасня 1958 (66 гадоў); Гацук, Гацукоўскі сельсавет, Уздзенскі раён, Мінская вобласць, БССР, СССР;
Адукацыя	Беларуская дзяржаўная сельскагаспадарчая акадэмія (1989);
Месца працы	Слуцкі камбінат хлебапрадуктаў[d]; Маладзечанскі раённы выканаўчы камітэт[d]; Мінскі абласны выканаўчы камітэт; Агракамбінат «Дзяржынскі»[d]; Міністэрства сельскай гаспадаркі і харчавання Рэспублікі Беларусь;
Гады службы	1976 — 1978
Узнагароды

Леані́д Канстанці́навіч За́яц (30 верасня 1958, в. Гацук, Слуцкі раён, Мінская вобласць) — беларускі дзяржаўны дзеяч. Намеснік Прэм’ер-міністра Рэспублікі Беларусь (2022—2024), міністр сельскай гаспадаркі і харчавання Рэспублікі Беларусь (2012—2019).

Біяграфія

У 1989 г. скончыў Беларускую дзяржаўную сельскагаспадарчую акадэмію.

З 1976 па 1978 гг. служыў у шэрагах Узброеных Сілаў.

У 1989 г. працаваў трактарыстам, брыгадзірам, начальнікам участку, спецыялістам па кормавытворчасці, галоўным аграномам саўгаса «50 год БССР» Слуцкага раёна.

З 1991 г. быў галоўным аграномам саўгаса «Слуцк», старшынёй калгасу «Беларусь» Слуцкага раёна, дырэктарам Слуцкага камбіната хлебапрадуктаў.

У 2001 г. быў прызначаны старшынёй Маладзечанскага райвыканкама, а потым — намеснікам старшыні Мінскага абласнога выканаўчага камітэта.

З 2008 г. — генеральны дырэктар ААТ «Агракамбінат „Дзяржынскі“».

З 21 жніўня 2012 — Міністр сельскай гаспадаркі і харчавання Рэспублікі Беларусь.

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь.^[1], а 17 снежня 2015 года ўказам Прэзідэнта № 500 зноў зацверджаны на пасадзе міністра^[2]

27 сакавіка 2019 года вызвалены ад пасады Міністра сельскай гаспадаркі і харчавання Рэспублікі Беларусь. Напярэдадні, 26 сакавіка, падчас паездкі па Магілёўскай вобласці Аляксандр Лукашэнка завітаў у малочны комплекс «Сліжы» ў Шклоўскім раёне, які ўваходзіць у аграхолдынг «Купалаўскае», абурыўся кепскімі ўмовамі ў кароўніку аграхолдынгу, параўнаўшы іх з Асвенцімам, і загадаў зняць з пасадаў «усіх вінаватых»^[3].

З 1 красавіка 2019 па 13 снежня 2021 года займаў пасаду старшыні Магілёўскага абласнога выканаўчага камітэта^[4]. 13 снежня 2021 года быў прызначаны членам Савета Рэспублікі Нацыянальнага сходу па квоце Прэзідэнта, дзе неўзабаве быў абраны намеснікам старшыні.

21 сакавіка 2022 года прызначаны Намеснікам Прэм’ер-міністра Рэспублікі Беларусь, адказным за сельскую гаспадарку^[5].

11 красавіка 2024 года вызвалены ад пасады Намесніка Прэм’ер-міністра Рэспублікі Беларусь і прызначаны членам Савета Рэспублікі Нацыянальнага сходу Рэспублікі Беларусь восьмага склікання (па прэзідэнцкай квоце)^[6].

Унесены ў санкцыйныя спісы краін Балтыі^[7]^[8].