Юшкавічы (Баранавіцкі раён)

Юшкавічы
Краіна	Беларусь
Вобласць	Брэсцкая
Раён	Баранавіцкі
Сельсавет	Крошынскі
Каардынаты	53°12′53″ пн. ш. 26°13′12″ у. д.HGЯO
Насельніцтва	▼23 чал. (2019);
Часавы пояс	UTC+3
Тэлефонны код	+375 163
Паштовыя індэксы	225361
Аўтамабільны код	1
СААТА	1204830076
	Юшкавічы на Вікісховішчы

Ю́шкавічы^[1] (трансліт.: Juškavičy, руск.: Юшковичи) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за 20 км на паўночны ўсход ад Баранавіч, за 8 км ад чыгуначнай станцыі Пагарэльцы на лініі Баранавічы—Мінск.

Гісторыя

У 1886 годзе ў Чэрніхаўскай воласці Навагрудскага павета. Паводле перапісу 1897 годзе ў вёсцы дзейнічалі хлебазапасны магазін, 5 ветраных млыноў, кузня, карчма. У лістападзе 1905 года адбылося хваляванне мясцовых сялян, якія самавольна секлі памешчыцкі лес.

З 1921 года ў складзе Польшчы, у Чэрніхаўскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі.

Інфраструктура

Працуе магазін.

Насельніцтва

XIX стагоддзе:
- 1886 — 51 двор, 564 жыхары.
- 1897 — 102 двары, 605 жыхароў
XX стагоддзе:
- 1909 — 128 двароў, 553 жыхары.
- 1921 — 35 дамоў, 703 жыхары.
- 1959 — 534 жыхароў.
- 1970 — 353 жыхары.
- 1998 — 110 двароў, 93 жыхары.
XXI стагоддзе:
- 2005 — 72 жыхары, 43 гаспадаркі.

Славутасці

Касцёл Найсвяцейшай Тройцы (1938)
Брацкая магіла савецкіх воінаў.

Страчаная спадчына

Стары касцёл Найсвяцейшай Тройцы.

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)