Киселица (Делчевско)

Киселица
Куќи во селото
Киселица Местоположба на Киселица во Македонија Киселица на карта
Координати 42°01′03″N 22°45′06″E / 42.01750°N 22.75167°E / 42.01750; 22.75167
Регион	Источен
Општина	Делчево
Област	Осоговија
Население	3 жит. (поп. 2021)[1]
Пошт. бр.	2320
Повик. бр.	033
Шифра на КО	09013
Надм. вис.	710-870 м
Киселица на општинската карта Атарот на Киселица во рамките на општината
Киселица на Ризницата

Киселица — село во Општина Делчево, во областа Осоговија, во околината на градот Делчево.

Киселица се наоѓа во северниот дел на територијата на Општина Делчево, а неговиот атар се допира со државната граница со Бугарија. Селото е ридско-планинско и од разбиен тип, а неговите маала се сместени на надморска височина од 710-870 метри. Селскиот атар зафаќа површина од 10,5 км². Од Делчево е оддалечено околу 15 км.^[2]

Во почетокот на XX век, Киселица било село во Малешевската каза на Отоманското Царство.

Само 1 жител на оваа населба е заведен како жртва во Втората светска војна.^[3]

Селото има мешовита земјоделска функција. Обработливото земјиште во селскиот атар зафаќа површина од 373 ха, пасиштата се на површина од 343 ха, а на шуми отпаѓаат 250 ха.^[2]

Според статистиката на Васил К’нчов („Македонија, Етнографија и статистика“) од 1900 година, во Киселица живееле 122 жители, сите Македонци христијани.^[4] По податоците на секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во селото имало 144 жители Македонци.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 400 Македонци.^[6]

На пописот од 2002 година, селото имало 35 жители, од кои 34 Македонци и 1 Србин.^[7]

Според последниот попис од 2021 година, во селото живееле 3 жители, сите Македонци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Селото влегува во составот на Општина Делчево од 1955 година.

Во периодот 1950-1952, селото било седиште на истоимената општина во склоп на Делчевската околија.

Во периодот 1952-1955, селото било дел од општината Драмче во склоп на Малешевската околија.

Во селото постои избирачко место бр. 0598 според Државната изборна комисија, кое е сместено во здружениот дом.^[12]

На локалните избори во 2017 година, на ова избирачко место биле запишани вкупно 19 гласачи.^[13]

На претседателските избори во 2019 година, на ова избирачко место биле запишани вкупно 20 гласачи.^[14]

Археолошки наоѓалишта^[15]

• Богословец — старохристијанска црква
• Дупките — могила од римско време
• Могилка — населба од доцноантичко време
• Пештера — населба од неолитско време
• Чукутин Дол — могила од римско време
• Градиште — сакрален објект од доцноантичко време^[16]
• Киселичка Пештера — населба од бронзено време^[16]

Цркви

• Црква „Св. Никола“ — стара црква
• Црква „Св. Ѓорѓи“ — нова црква

Пештери^[17]

• Киселичка Пештера — пештера во близина на селото

• Киселица (Делчевско) на Ризницата ^?

п р у Населени места во Општина Делчево Бигла Ветрен Вирче Вратиславци Габрово Град Делчево Драмче Ѕвегор Илиово Киселица Косово Дабје Нов Истевник Очипала Полето Разловци Стамер Стар Истевник Тработивиште Турија Чифлик Раселени Селник