Осолница

**Осолница**
	Осолница
	Воздушен поглед на селото Осолница;
	Осолница Местоположба на Осолница во Македонија Осолница на карта
	Координати 41°27′20″N 20°33′38″E / 41.45556°N 20.56056°E
Регион	Југозападен
Општина	Центар Жупа
Област	Жупа
Население	0 жит.; (поп. 2021)
Пошт. бр.	1258
Повик. бр.	046
Шифра на КО	08028
Надм. вис.	700 м
	Осолница на општинската карта ; Атарот на Осолница во рамките на општината
	Осолница на Ризницата

Осолница — раселено село во Општина Центар Жупа, во областа Жупа, во околината на градот Дебар.

Географија и местоположба

Селото се наоѓа во западниот дел на територијата на Општина Центар Жупа. Припаѓа на областа Дебарска Жупа, сместено на падините на планината Стогово.^[2] Селото е ридско, сместено на надморска височина од 700 метри.^[2]

До селото води земјен пат, кој се исклучува од локалниот асфалтен пат за селото Праленик, кој пак се издвојува од регионалниот пат 2249.

Историја

Само 1 жител на оваа населба е заведен како жртва во Втората светска војна.^[3]

Стопанство

Атарот на селото зафаќа простор од 4,9 км².^[2]

Население

Население во минатото

Година	Нас.	±%
1948	110	—
1953	72	−34.5%
1961	19	−73.6%
1971	10	−47.4%
1981	10	+0.0%

Година	Нас.	±%
1991	3	−70.0%
1994	0	−100.0%
2002	0	0.00%
2021	0	0.00%

Според податоците од 1873 година во „Етнографија на вилаетите Адријанопол, Монастир и Салоника“, селото имало 40 домаќинства со 34 жители христијани (Македонци) и 63 муслимани (Турци).^[4]

Според статистиката на Васил К’нчов („Македонија, Етнографија и статистика“) од 1900 година, во Осолница живееле 330 жители, од кои 130 жители христијани Македонци и 200 муслимани Турци.^[5] Според егзархискиот секретар Димитар Мишев, („La Macédoine et sa Population Chrétienne“) во 1905 година во Осолница имало 144 Македонци, под врховенството на Бугарската егзархија.^[6]

Според германска карта издадена во 1941 година, а заснована на пописот на Кралството Југославија од 1931 година, селото имало 50 Македонци и 50 Турци.^[7]

Селото е наполно раселено по 1991 година, кога што броело тројца жители, турско население.^[2]

Според пописот од 2002 година, селото Осолница немало жители.^[8] Истото било потврдено и на пописот од 2021 година.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	330	144	110	72	19	10	10	3	0	0	0

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Родови

Осолница е турско село, а порано во него живеело македонско православно население.^[13]

Според истражувањата од 1954 година, родови во селото се:

Доселеници: Асанлар (13 к.), се делат на Мифталар (1 к.), Екремлер (3 к.), Сеферлер (2 к.), Селамлар (2 к.), Абединлер (1 к.), Џемилер (1 к.), Рушидлар (1 к.) и Сефединлер (1 к.). Посебни родови се Мифтарлар (1 к.), наведените родови се доселени од Коџаџик и Дурмишлер (1 к.), доселени се од Броштица.

Иселеништво

До 1954 година од селото се иселиле преку 20 семејства во Турција, сите се населиле во градот Адапазар.^[13]

Од Македонците до 1954 година има иселеници во Видин, Скопје (населбата Ѓорче Петров), Белград, Софија, Солун, Цирих, Тетово, Петрич, Битола, Дебар, Кочани.^[13]

Самоуправа и политика

Кон крајот на XIX век, Осолница било село во Дебарската каза на Отоманското Царство.

Селото влегува во рамките на Општина Центар Жупа, која била една од ретките општини, кои не биле променети со новата територијална поделба на Македонија во 2004 година. Во периодот од 1996-2004 година, селото исто така припаѓало на некогашната Општина Центар Жупа.

Во периодот од 1955 до 1996 година, селото се наоѓало во рамките на големата општина Дебар.

Во периодот 1952-1955, селото било дел од тогашната Општина Коџаџик, во која влегувале селата Брештани, Долгаш, Евла, Елевци, Кочишта, Коџаџик, Новак, Осолница и Праленик. Во периодот 1950-1952 година селото исто така дел од некогашната општина Коџаџик, која била составена од селата Брештани, Коџаџик, Кочишта, Новак, Осолница и Праленик.

Избирачко место

Селото е опфатено во избирачкото место бр. 0567 според Државната изборна комисија, сместено во просториите на основното училиште на селото Праленик.^[14]

На претседателските избори во 2019 година, на ова избирачко место биле запишани вкупно 165 гласачи.^[15] На локалните избори во 2021 година, на ова избирачко место биле запишани вкупно 187 гласачи.^[16]