Црничани (Дојранско)

Црничани
Воздушен поглед на селото Црничани
Црничани Местоположба на Црничани во Македонија Црничани на карта
Координати 41°14′8″N 22°39′14″E / 41.23556°N 22.65389°E / 41.23556; 22.65389
Регион	Југоисточен
Општина	Дојран
Област	Бојмија
Население	189 жит. (поп. 2021)[1]
Пошт. бр.	1485
Повик. бр.	034
Шифра на КО	06031
Надм. вис.	210 м
Црничани на општинската карта Атарот на Црничани во рамките на општината
Црничани на Ризницата

Црничани — село во Општина Дојран, во областа Бојмија, во близина на Дојранското Езеро.

Селото се наоѓа во западниот дел на територијата на Општина Дојран, чиј атар се допира со подрачјето на Општина Богданци. Исто така, селото е сместено недалеку од самиот пат Гевгелија-Стар Дојран.^[2] Селото е рамничарско, сместено на надморска височина од 210 метри.^[2] Селото е сместено во областа Бојмија, северозападно од Нов Дојран.

До селото води локален асфалтен пат, кој се двои од регионалниот пат 1105.

Атарот на селото е населен уште од младото камено време, за што сведочи наоѓалиштето Атици во неговиот северозападен крај.^[3]

Вкупно 6 жители на оваа населба се заведени како жртви во Втората светска војна.^[4]

Атарот на селото зафаќа простор од 10,2 км², при што преовладуваат шумите со површина од 475 хектари, на обработливите површини отпаѓаат 424 хектари, додека на пасиштата 67 хектари.^[2]

Селото, во основа, има полјоделска функција. Во минатото во него имало земјоделска задруга, а денес во него работи продавница.^[2]

Според податоците од 1873 година во „Етнографија на вилаетите Адријанопол, Монастир и Салоника“, селото имало 23 домаќинства со 17 жители христијани и 55 жители муслимани.^[5]

Според статистиката на Васил К’нчов („Македонија, Етнографија и статистика“) од 1900 година, во Црничани живееле 190 жители, од кои 100 Турци и 90 Роми.^[6]

Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Македонци, 25 до 50 Турци и 25 до 50 Грци.^[7]

Селото е мало, коешто во 1961 година имало 188 жители, од кои 143 биле Срби, 37 Македонци и седум жители Турци. Во 1994 година, бројот малку се зголемил, поточно на 214 жители, од кои 122 биле Срби, 86 Македонци и пет жители Роми.^[2] Присуството на српското население во селото е резултат на колонизацијата на Вардарска Македонија во првите децении на XX век.

Според пописот на населението на Македонија од 2002 година, селото имало 221 жител, од кои 93 Македонци, 126 Срби и 2 останати.^[8]

Според последниот попис од 2021 година, во селото живееле 189 жители, од кои 116 Македонци, 69 Срби, 2 останати и 2 лица без податоци.^[9]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[10]; за 1905 г.: La Macédoine et sa Population Chrétienne.^[11]; за 1948-2002 г.: Државен завод за статистика на РМ.^[12]; за 2021 г.: Државен завод за статистика на РМ.^[13]

• Основно училиште „Кочо Рацин“, петгодишно основно училиште во состав на ОУ „Кочо Рацин“ - Нов Дојран

Селото влегува во рамките на Општина Дојран, една од малкуте општини кои не биле изменети со новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Стар Дојран.

Во периодот 1955-1996 година, селото се наоѓало во рамките на големата Општина Гевгелија.

Во периодот 1952-1955, селото било дел од тогашната општина Дојран, во која покрај селото Црничани се наоѓале селата Ѓопчели, Николиќ, Нов Дојран, Сретеново, Стар Дојран, Фурка и Чаушли. Во периодот 1950-1952, селото било дел од некогашната општина Нов Дојран, во која влегувале селата Ѓопчели, Николиќ, Стар Дојран, Сретеново, Фурка, Чаушли и Црничани.

Во селото постои избирачкото место бр. 0379 според Државната изборна комисија, сместено во просториите на основното училиште.^[14]

На претседателските избори во 2019 година, на ова избирачко место биле запишани вкупно 172 гласачи.^[15] На локалните избори во 2021 година, на ова избирачко место биле запишани вкупно 168 гласачи.^[16]

Археолошки наоѓалишта^[3]

• Атици — населба од неолитско време;
• Керамичлук — населба од доцноантичко време;
• Попови Трња — населба од римско време;
• Селско Гумно — сакрален објект од средниот век; и
• Чишмица — сакрален објект од средниот век.

Цркви

• Црква „Св. Никола“ — селска црква во изградба.

Џамии

• Во минатото во селото постоела џамија

Воени гробишта и споменици

• Бугарски воени гробишта — воени гробишта од Првата светска војна; и
• Бугарски споменик — воени споменик на генералот Константин Каварналиев.

Езера

• Големо Црничанско Езеро — мало вештачко езеро во близина на селото

• 
  Црквата „Св. Никола“ во изградба
• 
  Остатоци од џамијата во селото
• 
  Големо Црничанско Езеро
• 
  Бугарскиот споменик

Во селото постоел фудбалскиот клуб „Младост“.

• 
  Селските гробишта
• 
  Воздушен поглед на гробиштата
• 
  Нови гробови
• 
  Капелата
• 
  Објект на сретселото
• 
  Објект на ФК „Младост“ од Црничани
• 
  Улица во селото
• 
  Сретселото
• 
  Фудбалското игралиште на ФК „Младост“

• Бојмија
• Општина Дојран
• Дојранско Езеро

• Црничани (Дојранско) на Ризницата ^?

п р у Населени места во Општина Дојран Дурутли Ѓопчели Куртамзали Николиќ Нов Дојран Сретеново Стар Дојран Фурка Црничани Раселени Органџали Севендекли Чаушли Џумабос Историски Асанли