ကလော-လွိုင်ကော် ရထားလမ်း သည် ၁၀၀၀ mm (3 ft 3 ³⁄₈ in) ဂေ့ချ်ရထားလမ်းဖြစ်ပြီး ကလောမြို့ မှ ကယားပြည်နယ်မြို့တော် လွိုင်ကော်မြို့အား ဆက်သွယ်ထားသော ရထားလမ်းဖြစ်သည်။ အောင်ပန်းဘူတာမှ ပင်လောင်းမြို့ နှင့် လွိုင်ကော်မြို့များသို့ ချိတ်ဆက် ဖောက်လုပ်ထားခြင်းဖြစ်ကာ ရထားလမ်းသည် ၁၀၂ မီတာ ရှည်လျားသည်။ ယင်းရထားလမ်း၏ ထူးခြားချက်မှာ ပြည်နယ်နှစ်ခုကို ဆက်စပ်ဖောက်လုပ်ထားခြင်းဖြစ်သောကြောင့် ထိုစဥ်က ရှမ်းနှင့်ကယားပြည်နယ်ပြည်ထောင်စုရထားလမ်းဟူ၍ အမည်ပေးခဲ့သည်။ ဘူတာကြီးများမှာ ကလောဘူတာ ၊ ပင်လောင်းဘူတာ နှင့် လွိုင်ကော်ဘူတာတို့ဖြစ်သည်။ ^[၁]

သမိုင်းကြောင်း

ကလော-လွိုင်ကော် ရထားလမ်း
	လွိုင်ကော်ဘူတာအား မြင်တွေ့ရစဉ်
အထွေထွေအချက်အလက်များ
ပိုင်ဆိုင်သူ	မြန်မာ့မီးရထား
ဒေသ	အောင်ပန်းဘူတာ - လွိုင်ကော်ဘူတာ
တည်ထောင်ခြင်း
လည်ပတ်မှုစတင်	၁၉၉၃ခုနှစ် ဇန်နဝါရီလ ၂၇ရက်နေ့
နည်းပညာအချက်အလက်
ပတ်လမ်းအရှည်	၁၀၂.၂ မီတာ
သံလမ်းအကျယ်	၁၀၀၀ mm (3 ft 3 3⁄8 in)

အောင်ပန်း-ပင်လောင်းလမ်းပိုင်းသည် ရထားလမ်း၏ ပထမဆုံးလမ်းပိုင်းဖြစ်ကာ သာစည်-ရွှေညောင်လမ်းပိုင်းမှ အောင်ပန်းမြို့နှင့် ပင်လောင်းမြို့တို့ကို ချိတ်ဆက်ဖောက်လုပ်ထားသည်။ ရထားလမ်းပိုင်း အရှည် ၄၈.၅၈မိုင်၊ တံတား ၁၃၉စင်း၊ အများဆုံးကွေ့ဒီဂရီ ၁၇ဒီဂရီနှင့် အများဆုံးဆင်ခြေလျှော ၁:၂၅ ရှိကာ စုစုပေါင်း ကျပ် ၂၀၀.၁၅သန်း ကုန်ကျခဲ့သည်။

ထို့နောက် ဒုတိယလမ်းပိုင်းဖြစ်သော ပင်လောင်း - လွိုင်ကော်လမ်းပိုင်းသည် ရှမ်းပြည်နယ် တောင်ပိုင်း ပင်လောင်းမြို့မှ ကယားပြည်နယ် လွိုင်ကော်မြို့သို့ ဆက်သွယ်ဖောက်လုပ်ထားသော လမ်းပိုင်းဖြစ်ကာ ရထားလမ်းအရှည် ၅၄.၃၄မိုင်ရှိသည်။ စုစုပေါင်း ကုန်ကျငွေ ကျပ် ၄၀၀.၆၉သန်းကုန်ကျခဲ့သည်။

လမ်းပိုင်းအသီးသီး၏ တည်ဆောင်ရေးလုပ်ငန်းများကို ၁၉၉၁ခုနှစ် စက်တင်ဘာလ ၁ရက်နေ့တွင် စတင်ခဲ့ပြီး အောင်ပန်း - ပင်လောင်း လမ်းပိုင်းအား ၁၉၉၃ခုနှစ် ဇန်နဝါရီလ ၇ရက်နေ့တွင်လည်းကောင်း ၊ ပင်လောင်း - လွိုင်ကော်လမ်းပိုင်းအား ၁၉၉၃ခုနှစ် ဇန်နဝါရီလ ၂၇ရက်နေ့တွင်လည်းကောင်း ရထားပို့ဆောင်ရေးဝန်ကြီး ဦးဝင်စိန်မှ အသီးသီး ဖွင့်လှစ်ခဲ့သည်။

တောင်ငူ နှင့် ပျဉ်းမနားမြို့များမှ လွိုင်ကော်မြို့သို့ ပင်လောင်းမြို့မှ တစ်ဆင့် တိုက်ရိုက်ရထားလမ်းသစ် ချိတ်ဆက်ဖောက်လုပ်ရန်လျာထားကာ ဆင်သေရထားလမ်းခွဲမှ တောင်ခြေအထိ လမ်းအူကြောင်း ဖောက်လုပ်ပြီး ဖြစ်သည်။