Las fòrmas ancianas son Belabat, Bellabat, Berabat, aus sègles XI e XII, Bella Vallis, en latin, aus sègles XI e XII, prioratus Belle Valli, en latin, en 1197, prioratus de Belabat, en 1326, cap. Sancti Christophori de Berabat, en 1342. Lo sens es evident : bèra, dau bas latin bella, vath, dau latin valle. La motivacion pòt estar una depression naturala o, segon Léo Drouyn, d'un « hossat que partissèva en dus... una estructura en tèrra de 300 m de long sus 160 m de larg, entornejada de hossats » [5]. Lo borg es a la neishença d'una comba, la dau riu de Fontaneau; au nòrd, lo terrenh es pas pus naut, mès au sud-oèst, i a de las hautors de mèi de 110 m.
Avant la refòrma cantonala de 2014, aplicada en 2015, la comuna èra dau canton de Targon; es adara dau canton de l'Entre-deux-Mers (en francés), donc de l'Entre Duas Mars.
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)
.svg){kind=small}
