Enric Guiter dins l'ALPI dóna la pronóncia ['perles caste'let]. Cal probablament corregir en 'pɛɾles].
Pèrlas
La prononciacion es ['pɛɾles]. La fòrma occitana segon Patrici Pojada es Pèrlas o Pèrles (dins l'airal a final al plural ven -es; ex. la vaca, les vaques). Las fòrmas ancianas son Pederlas, en 1145, Perles en 1224, Perlas en 1246 e 1648, Perlis en 1271, 1272, 1305, 1308, Perle en 1318-25, Perlas en 1385, 1390, Perles en 1401, Perlas cap a 1460 (Cronica d'Esquerrier) e en 1540, etc[5].
Segon Negre, citat per Patrici Pojada, Pèrles es benlèu lo femenin de Paterculus, nom latin d'òme, seguit de -as[5]. Los Féniés sègon aquela explicacion[6]. Segon Coromines, tanben citat per P. Pojada, en partent de la fòrma Pederlas, explica lo nom per Petrulas, derivat del grèc petra, espandit en latin vulgar : Petrulas > Pedrelas > Perlas; petrula seriá « aquesta ròca, una ròca notabla, particulara »[5]. Mes en occitan, quitament periferic, petr- > pedr- > peir-.
Segon Patrici Pojada, los autors parton de la primièra mencion qu'es sola. La tombada de -d- intervocalic es rara dins l'occitan d'aquel airal. Çaquelà, i a un Perles en Fenolhedés qu'es atestat Petrolas en 1011. La solucion seriá Paterculus femenizat [ > *Paderlhas ], o Petrulas, de petra, o quicòm mai ?[5].
Castelhet
La prononciacion es [kaste'ʎet] e la grafia Castelhet. Castelhet es un diminutiu de castèlh, fòrma locala de castèl (palatalizacion de -l finala) : un castèlh pichon[7].
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Abans la refòrma cantonala de 2014, aplicada en 2015, la comuna èra del canton d'Ax; es ara del canton de Haute Ariège (en francés), donc de Nauta Arièja.
Comunas d'Arièja (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
Aquesta seccion es voida, pas pro detalhada o incompleta. Vòstra ajuda es benvenguda !
.svg){kind=small}
