இலங்கைத் துடுப்பாட்ட அணி 2019 செப்டம்பர்-அக்டோபர் மாதங்களில் பாக்கித்தானில் மூன்று ஒருநாள் போட்டிகளிலும், மூன்று பன்னாட்டு இருபது20 போட்டிகளிலும் பாக்கித்தான் துடுப்பாட்ட அணிக்கு எதிராக விளையாடியது.[1][2] இத்தொடரில் ஆரம்பத்தில் இரண்டு தேர்வுப் போட்டிகளும் இடம்பெறுவதாக இருந்தது. ஆனால், தேர்வுப் போட்டிகள் திசம்பர் 2019 இல் அமீரகத்தில் விளையாடப்படத் தீர்மானிக்கப்பட்டது.[3][4] இலங்கை கடைசியாக 2017 அக்டோபரில் பாக்கித்தானில் விளையாடியது. அப்போது அது மூன்று இ20ப போட்டிகளில் லாகூர், கடாபி அரங்கில் விளையாடியது.[5][6]
இலங்கை அணியில் பல வீரர்கள் இத்தொடரில் பங்குபற்ற விருப்பம் தெரிவிக்காத நிலையில்,[7] லகிரு திரிமான்ன, தசுன் சானக்க ஆகியோர் முறையே ஒருநாள், இ20ப போட்டிகளில் தலைவர்களாக விளையாடுகிறார்கள்.[8] சப்ராஸ் அகமது பாக்கித்தான் அணியின் தலைவராக விளையாடுகிறார்.[9][10]
கராச்சி, தேசிய அரங்கில் நடைபெறவிருந்த முதலாவது ஒருநாள் போட்டி மழை காரணமாக கைவிடப்பட்டது.[11][12] அடுத்த இரண்டு ஒருநாள் போட்டிகளிலும் பாக்கித்தான் வெற்றி பெற்று, தொடரை 2-0 கணக்கில் வென்றது.[13] இ20ப தொடரை இலங்கை அணி 3–0 என்ற கணக்கில் வென்றது.[14]
இலங்கைத் துடுப்பாட்ட அணி மீண்டும் பாக்கித்தானுக்கு வருகை தந்து இரு தேர்வுப் போட்டிகள் கொண்ட தொடரில் விளையாடவுள்ளது.[15] இது 2019–21 ஐசிசி உலகத் தேர்வுத் துடுப்பாட்ட வாகையின் ஒரு பகுதியாக இடம்பெறுகிறது.[16][17][18] இது 10 ஆண்டுகளுக்குப் பிறகு பாக்கித்தானில் நடைபெறும் முதல் தேர்வுத் தொடர் ஆகும்.[19]
பின்னணி
2009 மார்ச்சில், இலங்கைத் துடுப்பாட்ட அணி லாகூர், கடாபி அரங்கில் அத்தொடரின் இரண்டாவது தேர்வுப் போட்டியை விளையாட ஆரம்பிக்க முன்னர் அவ்வணி மீது தீவிரவாதத் தாக்குதல் மேற்கொள்ளப்பட்டது. இத்தாக்குதலில், ஆறு இலங்கைத் துடுப்பாட்ட வீரர்கள், இரண்டு இலங்கை அதிகாரிகள், ஒரு நடுவர் காயமடைந்தனர், ஆறு பொது மக்கள் கொல்லப்பட்டனர். அதன் பின்னர் இலங்கை அணி பாக்கித்தானில் முழுமையான தொடர் எதிலும் விளையாடவில்லை.[20] 2019 மே மாதத்தில், சிங்கப்பூரில் நடைபெற்ற ஆசியத் துடுப்பாட்ட அவையின் கூட்டத்தில், பாக்கித்தான் துடுப்பாட்ட வாரியம் பாக்கித்தானில் இரண்டு தேர்வுப் போட்டிகளில் விளையாட இலங்கைத் துடுப்பாட்ட வாரியத்திடம் வேண்டுகோள் விடுத்தது.[21] 2019 ஆகத்தில் இலங்கை அணி லாகூர், கராச்சி அரங்குகளில் பாதுகாப்பு நிலைமைகளை அவதானித்தது.[22][23] 2019 ஆகத்து 22 இல், இலங்கை விளையாட்டுத்துறை அமைச்சர் ஒருநாள் போட்டிகளை மட்டும் பாக்கித்தானில் நடத்த அனுமதித்தார். தேர்வுப் போட்டிகளை நடத்த னுமதிக்கவில்லை.[24][25]
2019 செப்டம்பர் 9 இல், தினேஸ் சந்திமல், அகில தனஞ்சயா, நிரோசன் டிக்வெல்ல, திமுத் கருணாரத்ன, சுரங்க லக்மால், லசித் மாலிங்க, அஞ்செலோ மத்தியூஸ், குசல் பெரேரா, திசாரா பெரேரா, தனஞ்சய டி சில்வா ஆகியோர் பாக்கித்தான் செல்வதில்லை என அறிவித்தனர்.[26] 2019 செப்டம்பர் 19 இல், இலங்கை அணி திட்டமிட்டபடி பாக்கித்தான் செல்லும் என இலங்கை அறிவித்தது.[27][28]
அணிகள்
ஒருநாள் தொடர்
1-வது ஒருநாள்
ஆட்டம் கைவிடப்பட்டது.
தேசிய அரங்கு, கராச்சி
நடுவர்கள்: அசான் ராசா (பாக்), ஜொயெல் வில்சன் (மேஇ)
|
- நாணய்ச்சுழற்சி மேற்கொள்ளப்படவில்லை.
- மழை காரணமாக ஆட்டம் இடம்பெறவில்லை.
2-வது ஒருநாள்
|
|
எ
|
|
பாபர் அசாம் 115 (105)
வனிந்து அசரங்கா 2/63 (10 நிறைவுகள்)
|
|
|
- நானயச்சுழற்சியில் வெற்றி பெற்ற பாக்கித்தான் முதலில் துடுப்பாடத் தீர்மானித்தது.
3-வது ஒருநாள்
பாக்கித்தான் 5 இழப்புகளால் வெற்றி
தேசிய அரங்கு, கராச்சி
நடுவர்கள்: அலீம் தர் (பாக்), ஜொயெல் வில்சன் (மேஇ)
ஆட்ட நாயகன்: ஆபித் அலி (பாக்)
|
- நாணயச்சுழற்சியில் வெற்றி பெற்ற இலங்கை முதலில் துடுப்பாடத் தீர்மானித்தது.
- மினோத் பானுக்கா (இல) தனது முதலாவது ஒருநாள் போட்டியில் விளையாடினார்.
இ20ப தொடர்
1-வது இ20ப
- நானயச்சுழற்சியில் வெற்றி பெற்ற பாக்கித்தான் முதலில் களத்தடுப்பாடத் தீர்மானித்தது.
- மினோத் பானுக்க, பானுக ராஜபக்ச (இல) இருவரும் தமது முதலாவது இ20ப போட்டியில் விளையாடினர்.
- தசுன் சானக்க முதல்தடவையாக இ20ப போட்டியில் இலங்கை அணியின் தலைவராக விளையாடினார்.[33]
2-வது இ20ப
- நாணயச் சுழற்சியில் வெற்றி பெற்ற இலங்கை முதலில் துடுப்பாடத் தீர்மானித்தது.
3-வது இ20ப
இலங்கை 13 ஓட்டங்களால் வெற்றி
கடாஃபி அரங்கு, லாகூர்
நடுவர்கள்: அலீம் தர் (பாக்), சோசாப் ராசா (பாக்)
ஆட்ட நாயகன்: வனிந்து அசரங்க (இல)
|
- நாணயச் சுழற்சியில் வெற்றி பெற்ற இலங்கை முதலில் துடுப்பாடத் தீர்மானித்தது.
- ஒசாடா பெர்னாண்டோ (இல) தனது முதலாவது இ20ப போட்டியில் விளையாடினார்.
தேர்வுத் தொடர்
1வது தேர்வு
- நாணயச் சுழற்சியில் வெற்றி பெற்ற இலங்கை, முதலில் துடுப்பாடத் தீர்மானித்தது.
- மழை, மற்றும் போதிய வெளிச்சமின்மை காரணமாக 2-ஆம், 3-ஆம் நாள் ஆட்டஙக்ளில் முறையே 18.2, 5.2 நிறைவுகள் மட்டுமே விளையாடப்பட்டன.
- தரை ஈரத்தன்மையுடன் காணப்பட்டதால், 4-ஆம் நாள் ஆட்டம் நடைபெறவில்லை.
- அபித் அலி (பாக்.), உஸ்மான் கான் சின்வாரி (பாக்.) தமது முதலாவது தேர்வுப் போட்டியில் விளையாடினர்.
- உலகத் தேர்வுத் துடுப்பாட்ட வாகைப் புள்ளிகள்: இலங்கை 20, பாக்கித்தான் 20
2வது தேர்வு
|
|
எ
|
|
|
|
|
|
|
|
|
212 (62.5 நிறைவுகள்) ஒசதா பெர்னாண்டோ 102 (180)
நசீம் ஷா 5/31 (12.5 நிறைவுகள்) |
- நாணயச்சுழற்சியில் வென்ற பாக்கித்தான் அணி முதலில் மட்டையாடத் தீர்மானித்தது.
- சகீன் அஃப்ரிடி (பாக்.) தனது முதல் ஐவீழ்த்தலை எடுத்தார்.[34]
- அபித் அலி தனது முதல் இரு தேர்வுப் போட்டிகளிலும் நூறு எடுத்த முதல் பாக்கித்தான் வீரரானார்.[35]
- ஷான் மசூத் (பாக்.) தனது 1,000ஆவது தேர்வு ஓட்டத்தை எடுத்தார்.[36]
- பாக்கித்தான் அணியின் மட்டையாடும் வரிசையில் உள்ள முதல் 4 மட்டையாளர்களும் ஒரே ஆட்டப்பகுதியில் நூறு எடுத்தது இதுவே முதல்முறையாகும்.[37]
- ஒசதா பெர்னாண்டோ (இல.) தேர்வுப் போட்டிகளில் தனது முதல் நூறை எடுத்தார்.[38]
- நசீம் ஷா (பாக்.) தேர்வுப் போட்டிகளில் தனது முதல் ஐவீழ்த்தலை எடுத்தார். இதன்மூலம் தேர்வு வரலாற்றில் இளம் வயதில் ஐவீழ்த்தல் எடுத்தவரானார் (16 வருடங்கள், 311 மாதங்கள்).
- உலகத் தேர்வுத் துடுப்பாட்ட வாகைப் புள்ளிகள்: பாக்கித்தான் 60, இலங்கை 0.
மேற்கோள்கள்
வெளி இணைப்புகள்
