செருமேனியம்(II) ஐதராக்சைடு

செருமேனியம்(II) ஐதராக்சைடு (Germanium(II) hydroxide) Ge(OH)₂ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். முற்றிலுமாக இச்சேர்மத்தின் பண்புகள் வரையறுக்கப்படவில்லை. சில சமயங்களில் நீரேற்ற செருமேனியம்(II) ஆக்சைடு அல்லது செருமேனசு ஐதராக்சைடு என்று அழைக்கப்படுகிறது. 1886 ஆம் ஆண்டு முதன் முதலில் இச்சேர்மத்தைப் பற்றி விவரித்தார்.^[1]

பொதுவாக GeII அயனிகள் கொண்ட அமிலக் கரைசலுடன் ஒரு காரத்தைச் சேர்த்து வினைபுரியச் செய்வதன் மூலம் வெண்மை அல்லது மஞ்சள் நிற வீழ்படிவாக செருமேனியம்(II) ஐதராக்சைடு கிடைக்கும். உதாரணமாக செருமேனியம் ஈராக்சைடுடன் (GeO2) ஐப்போபாசுபரசு அமிலக் கரைசலைச் (H₃PO₂) சேர்த்து ஒடுக்க வினைக்கு உட்படுத்தி செருமேனியம்(II) ஐதராக்சைடை உற்பத்தி செய்யலாம். மாற்றுமுறையில் GeCl₂ சேர்மத்தை நீராற்பகுப்புக்கு உட்படுத்தியும் செருமேனியம்(II) ஐதராக்சைடு தயாரிக்கலாம்.^[2] or alternatively by hydrolysis of GeCl₂.^[3] தொடக்கத்தில் கிடைக்கும் வீழ்படிவு விகிதவியல் அளவுகளில் அமையாது. GeO·xH2O, Ge(OH)2·xH2O என்ற பொதுவாய்ப்பாட்டல் அல்லது எளிமையாக Ge(OH)2 என்று இதை அடையாளப்படுத்தலாம்.

தண்ணீரில் அல்லது காரத்தில் சிறிதளவு கரையும்.^[4] பெர்குளோரிக் அமிலத்தில் கரையாது^[2] என்றாலும் ஐதரோ குளோரிக் அமிலத்தில் கரையும்.^[2] சோடியம் ஐதராக்சைடு காரத்துடன் வினையில் ஈடுபட்டு பழுப்பு நிற கரையாத திண்மத்தைக் கொடுக்கிறது. இத்திண்மத்தை வெற்றிடத்தில் உலர்த்தினால் (HGe)2O3 என்ற விகிதவியல் அளவிலான பழுப்பு நிற உடன் தீப்பற்றுகிற பொருள் உருவாகிறது. செருமேனியம்-ஐதரசன் பிணைப்பு (Ge-H) இத்திண்மத்தில் இருப்பதாக அகச்சிவப்பு நிறமாலை ஆய்வு தெரிவிக்கிறது.^[4]