தகதிமிதா

தகதிமிதா
இயக்கம்	சுந்தர் சி.
தயாரிப்பு	ஜி. ஆர். ரவீந்திரா
கதை	கே. செல்வபாரதி
திரைக்கதை	சுந்தர் சி.
இசை	டி. இமான்
நடிப்பு	யுவ கிருஷ்ணா அங்கீதா
ஒளிப்பதிவு	விஜய் கே. சக்ரவர்த்தி
படத்தொகுப்பு	பி. சாய் சுரேஷ்
கலையகம்	ஏ.ஜே.ஆர் ஆர்ட்ஸ்
வெளியீடு	1 ஏப்ரல் 2005 (2005-04-01)
ஓட்டம்	140 நிமிடங்கள்
நாடு	இந்தியா
மொழி	தமிழ்

தகதிமிதா (Thaka Thimi Tha) என்பது 2005 ஆம் ஆண்டைய இந்திய தமிழ்த் திரைப்படமாகும். இப்படத்தை சுந்தர் சி. இயக்க, புதுமுகங்களான யுவ கிருஷ்ணா மற்றும் அங்கிதா ஆகியோர் முக்கிய கதாபாத்திரங்களில் நடித்துள்ளனர்.^[1][2]

கிருஷ்ணா (யுவ கிருஷ்ணா) விவேக் (விவேக்) என்பவருக்கு சொந்தமான உணவகத்தில் பணிபுரிகிறார். காயத்ரி (அங்கிதா) ஒரு வானொலி அறிவிப்பாளர். இவர்கள் அண்டை வீட்டுக்காரர்கள். இவர்களது இரு குடும்பங்களுக்கு இடையில் சண்டை தோன்றுகிறது. என்றாலும் இவர்களது குடும்பங்கள் பின்னர் நட்பு கொள்கின்றன. இந்த இரு குடும்பத்தாரும் தங்கள் இளம் பிள்ளைகளுக்கு இடையே திருமணத்தை ஏற்பாடு செய்விக்க முடிவு செய்கிறார்கள், ஆனால் அவர்கள் இருவரும் இதற்கு மறுக்கிறார்கள். விவேக் அவர்களுக்கு இதற்கான காரணத்தை சொல்கிறார்.

கிருஷ்ணாவும் காயத்ரியும் கல்லூரியில் ஒருவருக்கொருவர் காதலித்தனர். அப்போது, அவர்களுக்கிடையே சண்டை தோன்றி இருவரும் தங்கள் காதலை முறித்துக்கொண்டனர். கல்லூரி படிப்பை முடித்ததும் காயத்ரியின் குடும்பம் யுவாவின் வீட்டுக்கு எதிரே உள்ள வீட்டிற்கு குடிவந்தது.

அவர்களது இரு குடும்பத்தாரும் விவேக்கும் அவர்களிருவரும் மீண்டும் ஒன்று சேர முயற்சி செய்கிறார்கள். இதற்கிடையில் காயத்திரியின் உறவினராக ஸ்ரீ (சிறீமன்) அவளது மனதை தன்வசமாக்க முயற்சிக்கிறார். காயத்ரி ஸ்ரீயை திருமணம் செய்துகொள்ள ஒப்புக்கொள்கிறாள். தங்கள் கல்லூரி நண்பரின் திருமணத்திற்காக, கிருஷ்ணாவும் காயத்ரியும் செல்கின்றனர். விவேக்கும், அவர்களது கல்லூரி தோழர்கள் கிருஷ்ணாவையும் காயத்ரியையும் மீண்டும் ஒன்றாக்க முயற்சிக்கிறார்கள். கிருஷ்ணருக்கு மன மாற்றம் ஏற்படுகிறது. அவன் ஒரு பாடலால் அவளை சமாதானப்படுத்துகிறான், முடிவில் இருவரும் சமரசம் ஆகிறார்கள்.

இப்படத்திற்கு டி. இமான் இசையமைத்தார்.^[3][4]

குறைந்த செலவில் எடுகப்பட்ட படங்களான கிரிவலம் மற்றும் குருதேவா ஆகியவை வெளிவந்தபோது அவற்றுடன் வெளியான இப்படம் நல்ல வரவேற்பைப் பெறவில்லை.^[5]