பாக்கித்தான் துடுப்பாட்ட அணியின் இலங்கைச் சுற்றுப்பயணம், 2022

பாக்கித்தான் துடுப்பாட்ட அணியின் இலங்கைச் சுற்றுப்பயணம், 2022
	பாக்கித்தான் துடுப்பாட்ட அணியின் இலங்கைச் சுற்றுப்பயணம், 2022
காலம்	16 – 28 சூலை 2022
	தேர்வுத் துடுப்பாட்டத் தொடர்
முடிவு	2-ஆட்டத் தொடர் 1–1 என்ற கணக்கில் சமனாக முடிந்தது.
தொடர் நாயகன்	பிரபாத் ஜெயசூரிய (இல)

பாக்கித்தான் துடுப்பாட்ட அணி இலங்கையில் 2022 சூலையில் இரண்டு தேர்வுப் போட்டிகளில் இலங்கைத் துடுப்பாட்ட அணியுடன் விளையாடியது.^[1] இத்தேர்வுத் தொடர் 2021–23 ஐசிசி உலகத் தேர்வுத் துடுப்பாட்ட வாகையின் ஒரு பகுதியாக விளையாடப்பட்டது.^[2]^[3] 2022 ஏப்பிரலில், பாக்கித்தான் துடுப்பாட்ட வாரியம் இத்தொடர் நடத்தப்படுவதை உறுதி செய்தது.^[4]^[5] தொடக்கத்தில், மூன்று ஒருநாள் போட்டிகளிலும் விளையாடத் தீர்மானிக்கப்பட்டிருந்தது,^[6] ஆனால் இந்த ஒருநாள் போட்டிகள் 2020–2023 ஐசிசி துடுப்பாட்ட உலகக்கிண்ணம் சூப்பர் லீகின் ஒரு பகுதியாக இல்லாதிருந்ததால்,^[7] இப்போட்டிகளை நடத்துவதில்லை என 2022 மே மாதத்தில் தீர்மானிக்கப்பட்டது.^[8] 2022 சூன் மாதத்தில் தேர்வுப் போட்டிகளுக்கான அரங்குகள் தேர்ந்தெடுக்கப்பட்டன.^[9] பாக்கித்தான் கடைசியாக 2015 சூன் சூலை மாதங்களில் இலங்கையில் தேர்வுப் போட்டிகளில் விளையாடியிருந்தது.^[10] இலங்கை பொருளாதார நெருக்கடி காரணமாக 2022 சூலை 17 இல், இலங்கை துடுப்பாட்ட வாரியம் இரண்டாவது தேர்வுப் போட்டியை கொழும்பு ஆர். பிரேமதாச அரங்கத்தில் இருந்து காலி பன்னாட்டு அரங்கத்திற்கு மாற்றியது.^[11]

முதலாவது தேர்வுப் போட்டியில் 342 ஓட்டங்கள் எடுத்தால் வெற்றி என்ற இலக்குடன் விளையாடிய பாக்கித்தான் அணி 4 இலக்குகள் வித்தியாசத்தில் வெற்றி பெற்றது.^[12] இது தேர்வுப் போட்டிகளில் பாக்கித்தானின் இரண்டாவது அதிகூடிய வெற்றிகரமான ஓட்ட இலக்காகும்.^[13] இரண்டாவது போட்டியில் இலங்கை அணி 246 ஓட்டங்கள் வித்தியாசத்தில் வெற்றி பெற்று தொடரை 1-1 என சமன் செய்தது, தனஞ்சய டி சில்வா சதம் அடித்தார்.^[14] தேர்வுத் தொடரின் வீரரான பிரபாத் ஜெயசூரிய ஆறு இன்னிங்சுகளில் தனது நான்காவது ஐந்து இலக்குகளை எடுத்தார்.^[15]

அணிகள்

தேர்வுகள்
இலங்கை^[16]	பாக்கித்தான்^[17]
திமுத் கருணாரத்ன (த) தினேஸ் சந்திமல் தனஞ்சய டி சில்வா நிரோசன் டிக்வெல்ல (இ.கா) அசித்த பெர்னாண்டோ ஒசதா பெர்னாண்டோ விஷ்வா பெர்னாண்டோ பிரபாத் ஜெயசூரிய தில்சான் மதுசங்க லக்சித்த மனசிங்க அஞ்செலோ மத்தியூஸ் கமிந்து மெண்டிஸ் குசல் மெண்டிசு ரமேசு மெண்டிசு பத்தும் நிசங்க கசுன் ரஜிதா மகீசு தீக்சன ஜெப்ரி வான்டர்சே துனித் வெல்லாளகே	பாபர் அசாம் (த) முகம்மது ரிஸ்வான் (இ.கா) சகீன் அஃப்ரிடி சப்ராஸ் அகமது (இ.கா) அசார் அலி அசன் அலி நௌமான் அலி பவாட் ஆலம் பகீம் அஷ்ரப் ஷான் மசூத் முகமது நவாஸ் ஆரிசு ரவூஃப் அகா சல்மான் அப்துல்லா சஃபிக் நசீம் சா யாசிர் ஷா சௌத் சக்கீல் இமாம்-உல்-ஹக்

முதலாவது போட்டியில் காயமடைந்த இலங்கை அணியின் மகீசு தீக்சனாவுக்காக லக்சித்த மனசிங்க இரண்டாவது போட்டியில் விளையாடினார்.^[18] முதல் போட்டியில் காயமடைந்த பாக்கித்தான் அணியின் சகீன் அஃப்ரிடி இரண்டாம் போட்டியில் விளையாடவில்லை.^[19]

தேர்வுத் தொடர்கள்

1-வது தேர்வு

16–20 சூலை 2022
ஓட்டவிபரம்

இலங்கை	எ	பாக்கித்தான்
222 (66.1 நிறைவுகள்) தினேஸ் சந்திமல் 76 (115) சகீன் அஃப்ரிடி 4/58 (14.1 நிறைவுகள்)		218 (90.5 நிறைவுகள்) பாபர் அசாம் 119 (244) பிரபாத் ஜெயசூரிய 5/82 (39 நிறைவுகள்)
337 (100 நிறைவுகள்) தினேஸ் சந்திமல் 94* (139) முகமது நவாஸ் 5/88 (28 நிறைவுகள்)		344/6 (127.2 நிறைவுகள்) அப்துல்லா சஃபீக் 160* (408) பிரபாத் ஜெயசூரிய 4/135 (56.2 நிறைவுகள்)

பாக்கித்தான் 4 இலக்குகளால் வெற்றி
காலி பன்னாட்டு அரங்கம், காலி
நடுவர்கள்: குமார் தர்மசேன (இல), மராயிஸ் எராஸ்மஸ் (தெ.ஆ)
ஆட்ட நாயகன்: அப்துல்லா சஃபீக் (பாக்)

நாணயச்சுழற்சியில் வெற்றி பெற்ற இலங்கை முதலில் துடுப்பாடத் தீர்மானித்தது.
அகா சல்மான் (பாக்) தனது முதலாவது தேர்வுப் போட்டியில் விளையாடினார்.
பாபர் அசாம் தனது 228 இன்னிங்சுகளில், பன்னாட்டுத் துடுப்பாட்டத்தில், 10,000 ஓட்டங்களை மிக வேகமாக எடுத்த பாக்கித்தான் துடுப்பாளர் ஆனார்.^[20]
முகமது நவாஸ் (பாக்) தனது முதலாவது தேர்வுப் போட்டி ஐவீழ்த்தலைப் பெற்றார்.^[21]
பாபர் அசாம் (பாக்) தனது 3,000-ஆவது தேர்வு ஓட்டத்தைப் பெற்றார்.^[22]
உலகத் தேர்வுத் துடுப்பாட்ட வாகை புள்ளிகள்: பாக்கித்தான் 12, இலங்கை 0.

2-வது தேர்வு

24–28 சூலை 2022
ஆட்டவிபரம்

இலங்கை	எ	பாக்கித்தான்
378 (103 நிறைவுகள்) தினேஸ் சந்திமல் 80 (137) நசீன் சா 3/58 (18 நிறைவுகள்)		231 (88.1 நிறைவுகள்) அகா சல்மான் 62 (126) ரமேசு மெண்டிசு 5/47 (21.1 நிறைவுகள்)
360/8வி (91.5 நிறைவுகள்) தனஞ்சய டி சில்வா 109 (171) நசீம் சா 2/44 (12.5 நிறைவுகள்)		261 (77 நிறைவுகள்) பாபர் அசாம் 81 (146) பிரபாத் ஜெயசூரிய 5/117 (32 நிறைவுகள்)