ரோஜா செல்வமணி

ரோஜா ராணி
சட்டப் பேரவை உறுப்பினர், ஆந்திரப் பிரதேச சட்டமன்றம்
பதவியில் உள்ளார்
பதவியில் 8 சூன் 2014
முன்னையவர்	கலி முது கிருஷ்ணாம நாயுடு
தொகுதி	நகரி
தனிப்பட்ட விவரங்கள்
பிறப்பு	ஸ்ரீ லதா ரெட்டி[சான்று தேவை] 17 நவம்பர் 1972 (1972-11-17) (அகவை 52) பகரபேட்டா, திருப்பதி, சித்தூர் மாவட்டம், ஆந்திரா, இந்தியா
துணைவர்	ஆர். கே. செல்வமணி[1]
பிள்ளைகள்	2
பணி	நடிகை அரசியல்வாதி தயாரிப்பாளர் தொலைக்காட்சி தொகுப்பாளர்
சமயம்	இந்து
விருதுகள்	நந்தி விருது (1991),(1994),(1998) சிறந்த நடிகைக்கான தமிழக அரசு திரைப்பட விருது

ரோஜா செல்வமணி (Roja Selvamani, பிறப்பு: 17 நவம்பர் 1972) என்பவர் ஒரு தென்னிந்தியத் திரைப்பட நடிகையும் அரசியல்வாதி ஆவார். இவர் 1991 முதல் 2002 வரை தமிழ், தெலுங்கு ஆகிய மொழித் திரைப்படங்களில் முன்னணி நடிகையாக இருந்தார். மேலும் ஒரு சில கன்னடம், மலையாள மொழிப் படங்களிலும் நடித்துள்ளார். தற்போது ஆந்திர பிரதேசத்தின் சுற்றுலா, கலாச்சாரம் மற்றும் இளைஞர் மேம்பாட்டு அமைச்சராக பணியாற்றி வருகிறார்.

இவர் மூன்று நந்தி விருதுகளையும் ஒரு தமிழக அரசு திரைப்பட விருதையும் வென்றுள்ளார். 2022 ஆம் ஆண்டில், ஒரு அரசியல்வாதியாக தனது அரசியல் வாழ்க்கையில் அதிக கவனம் செலுத்துவதற்காக திரைப்படத் துறையை விட்டு விலகுவதாக ரோஜா அறிவித்தார். இனி எந்தப் படத்திலும் நடிக்கப் போவதில்லை என்றும் அறிவித்துள்ளார்.

ஸ்ரீ லதா ரெட்டி என்ற இயற்பெயர் கொண்ட ரோஜா 1972 நவம்பர் 17 அன்று ஆந்திர பிரதேசத்தின் திருப்பதி மாவட்டத்தில் உள்ள திருப்பதியில் நாகராஜா ரெட்டி, இலலிதா ஆகியோருக்குப் பிறந்தார். இவருக்கு குமாரசாமி ரெட்டி, இராமபிரசாத் ரெட்டி ஆகிய இரு சகோதரர்கள் உண்டு.

பின்னர், இந்த குடும்பம் ஐதராபாத்திற்கு இடம் மாறினார். இவர் திருப்பதியில் உள்ள ஸ்ரீ பத்மாவதி மகளிர் பல்கலைக்கழகத்தில் அரசியல் அறிவியலில் இளநிலைப் பட்டம் பெற்றார். ரோஜா திரைப்படங்களில் நுழைவதற்கு முன்பு குச்சிப்புடி கற்று நடனம் ஆடினார்.