பீஃபா அமைப்பில் உறுப்புரிமையுள்ள அணிகள் இப்போட்டிகளில் விளையாடத் தகுதி பெற்றன. ஆண்களின் அணிகளில் 23 வயதிற்குக் குறைந்தவர்கள் (1 சனவரி 1993 இற்குப் பின்னர் பிறந்தவர்கள்) மட்டுமே பங்குபெறலாம். அத்துடன் வயதில் கூடிய அதிகபட்சம் மூவர் கலந்து கொள்ளலாம். பெண்கள் அணிகளில் வயதெல்லை எதுவும் கிடையாது.[4] இப்போட்டிகளில் ஏறத்தாழ 400 கால்பந்துகள் பயன்படுத்தப்பட்டன.[5]
போட்டி நிகழ்ச்சி நிரல்
ஆண்கள், மற்றும் பெண்களுக்கான போட்டிகளின் கால அட்டவணை 2015 நவம்பர் 10 அன்று வெளியிடப்பட்டன:[6][7]
குழு நிலைப் போட்டி, வெளியேறும் நிலை என இரண்டு நிலைகளில் போட்டிகள் நடைபெற்றன.
ஆண்கள் குழு நிலைப் போட்டிகள்
அணிகள் நான்கு குழுக்களாகப் பிரிக்கப்பட்டு, ஒவ்வொன்றும் தமது குழு அணிகளுடன் ஒரு தடவை மோதுகின்றன. போட்டி ஒன்றில் வெற்றி பெறும் அணிக்கு 3 புள்ளிகளும், வெற்றி தோல்வி இன்று முடிவடையும் போட்டிகளுக்கு ஒவ்வோர் அணியும் ஒரு புள்ளியும் பெறும். குழு நிலையில் முதல் இரண்டு அணிகள் காலிறுதிப் போட்டிக்குத் தகுதி பெறும்.
வெளியேறு நிலைப் போட்டிகளில், ஆட்டம் ஒன்று சமநிலையில் முடிவடைந்தால், மேலதிகமாக 30 நிமிடங்கள் (15 நிமிடங்கள் இரு பக்கமும்) கூடுதல் நேரம் ஒதுக்கப்படும். இதற்குப் பின்னரும் ஆட்டம் சமநிலையில் இருந்தால், சமன்நீக்கி மோதல் முறையில் வெற்றியாளர் தீர்மானிக்கப்படுவார்.[4]
குழு நிலைப் போட்டி, வெளியேறும் நிலை என இரண்டு நிலைகளில் போட்டிகள் நடைபெறுகின்றன.
பெண்கள் குழு நிலைப் போட்டிகள்
பெண்கள் அணிகள் மூன்று குழுக்களாகப் பிரிக்கப்பட்டு, ஒவ்வொன்றும் தமது குழு அணிகளுடன் ஒவ்வொரு தடவை மோதுகின்றன. போட்டி ஒன்றில் வெற்றி பெறும் அணிக்கு 3 புள்ளிகளும், வெற்றி தோல்வி இன்றி முடிவடையும் போட்டிகளுக்கு ஒவ்வோர் அணியும் ஒரு புள்ளியும் பெறும். குழுநிலையில் வெற்றி பெற்ற 1வது, 2வது அணிகளும், மூன்றாம் நிலையில் வந்த சிறந்த இரண்டு அணிகளும் வெளியேறும் நிலைக்குத் தகுதி பெற்றுகின்றன.
வெளியேறு நிலைப் போட்டிகளில், ஆட்டம் ஒன்று சமநிலையில் முடிவடைந்தால், மேலதிகமாக 30 நிமிடங்கள் (15 நிமிடங்கள் இரு பக்கமும்) கூடுதல் நேரம் ஒதுக்கப்படும். இதற்குப் பின்னரும் ஆட்டம் சமநிலையில் இருந்தால், சமன்நீக்கி மோதல் முறையில் வெற்றியாளர் தீர்மானிக்கப்படுவார்.[4]
