Баеўскі раён

Баеўскі раён
Краіна	Расія[2][4]
Уваходзіць у	Алтайскі край[1]
Адміністрацыйны цэнтр	Баева[2]
Насельніцтва	▼8 277 чал. (2021)[5]
Плошча	2 740 км²
Вышыня над узроўнем мора	132 м
Часавы пояс	UTC+7, OMST[3] і KRAT[3]
Афіцыйны сайт
Медыяфайлы на Вікісховішчы

Баеўскі раён (руск.: Ба́евский райо́н) — адміністрацыйна-тэрытарыяльнае ўтварэнне (сельскі раён) і муніцыпальнае ўтварэнне (муніцыпальны раён) у Алтайскім краі. Адміністрацыйны цэнтр — сяло Баева, размешчанае за 230 км на захад ад Барнаула.

Раён размешчаны ў паўночна-заходняй частцы края. Мяжуе з Каменскім, Цюменцаўскім, Зав’ялаўскім, Благавешчанскім, Суецкім і Панкрушыхінскім раёнамі.

Рэльеф — слабахвалістая раўніна прыобскага лесастэпу. На тэрыторыі раёна размешчана больш за 130 азёр і натуральных вадаёмаў, у тым ліку Лена, Баева, Доўгае, Маставое, Чаротнае і інш. За 3 км ад сяла Баева знаходзіцца возера Салёнае. Працякаюць рэкі Кулунда, Праславуха, Чуман, Пайвёнак. З поўначы на поўдзень тэрыторыю раёна перасякае Кулундзінскі магістральны канал.

Глебы чарназёмныя, сустракаюцца саланчакі. У паўночнай частцы раёна бярозавыя калкі, ва ўсходняй — змяшаны лес, заходняя і паўднёвая — стэпавыя. Расце бяроза, асіна, таполя, хвоя, жоўтая акацыя, глог, шыпшына, каліна. Клімат кантынентальны. Сярэдняя тэмпература студзеня −18,7 °C, ліпеня +19,4 °C. Гадавая колькасць ападкаў 330 мм.