Горскі сельсавет (Горацкі раён)

Горскі сельсавет
Краіна	Беларусь
Уваходзіць у	Горацкі раён
Уключае	23 населеныя пункты
Адміністрацыйны цэнтр	Горы
Дата ўтварэння	20 жніўня 1924
Насельніцтва (2019)	1 284
Часавы пояс	UTC+03:00
Код аўтам. нумароў	6
Афіцыйны сайт

Го́рскі сельсавет — адміністрацыйна-тэрытарыяльная адзінка ў складзе Горацкага раёна Магілёўскай вобласці. Цэнтр — аграгарадок Горы.

Утвораны 20 жніўня 1924 года ў складзе Горацкага раёна Аршанскай акругі БССР. Пасля скасавання акруговай сістэмы 26 ліпеня 1930 года ў Горацкім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Каменкаўскага сельсавета^[1]. 7 верасня 2000 года ў склад новаўтворанага Ходараўскага сельсавета перададзены 3 населеныя пункты (Палішына, Першыно і Ходараўка). 13 чэрвеня 2002 года да сельсавета далучана частка скасаванага Горацкага сельсавета (4 населеныя пункты: Вялікае Марозава, Малое Марозава, Мікуліна і Турышчава), а ў склад Ходараўскага сельсавета перададзены 9 населеных пунктаў (Акушкі, Альхавец, Аршані, Высоцкія, Гушчына, Каменка, Малькі, Саракапуды і Шаўнева)^[2]. 20 лістапада 2013 года да сельсавета далучана частка скасаванага Ходараўскага сельсавета (10 населеных пунктаў: аграгарадок Каменка, вёскі Акушкі, Альхавец, Аршані, Высоцкія, Гушчына, Малькі, Першыно, Саракапуды і Шаўнева), а ў склад Паршынскага сельсавета перададзена вёска Малое Марозава^[3].

Насельніцтва сельсавета паводле перапісу 2009 года (14 населеных пунктаў) — 1316 чалавек^[4], з іх 94,7 % — беларусы, 4,3 % — рускія^[5]; паводле перапісу 2019 года (23 населеныя пункты) — 1284 чалавекі^[6].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012.