Джорджа К’еліні

Джорджа К’еліні
Агульная інфармацыя
Нарадзіўся	14 жніўня 1984(1984-08-14)[1][2][…] (40 гадоў) Піза, правінцыя Піза, Таскана, Італія
Грамадзянства	Італія
Рост	187 см[3]
Вага	85 кг[3]
Пазіцыя	цэнтральны абаронца
Інфармацыя пра клуб
Клуб	Лос-Анджэлес
Пасада	трэнер
Маладзёжныя клубы
1990—2000 Ліворна
Клубная кар’ера[* 1]
2000—2004 Ліворна 55 (4) 2004—2022 Ювентус 425 (27) 2004—2005 →  Фіярэнціна 37 (3) 2022—2023 Лос-Анджэлес 31 (1)
Нацыянальная зборная[* 2]
2000—2001 Італія (да 15) 8 (0) 2000—2001 Італія (да 16) 12 (1) 2001 Італія (да 17) 1 (0) 2002 Італія (да 18) 6 (1) 2001—2003 Італія (да 19) 18 (1) 2003—2007 Італія (да 21) 26 (6) 2004 Італія (алімп.) 2 (0) 2004—2022 Італія 117 (8)
Трэнерская кар’ера
2024— Лос-Анджэлес трэнер
Узнагароды і медалі
Алімпійскія гульні Бронза Афіны 2004 футбол Кубкі канфедэрацый Бронза Бразілія 2013 Чэмпіянаты Еўропы Срэбра Польшча/Украіна 2012 Золата Еўропа 2020 Дзяржаўныя ўзнагароды
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 19 студзеня 2024. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 18 чэрвеня 2022
Медыяфайлы на Вікісховішчы

Джорджа К’еліні (італ.: Giorgio Chiellini; нар. 14 жніўня 1984, Піза, Італія) — італьянскі футбаліст, абаронца. Ігрок нацыянальнай зборнай Італіі (2004—2022). Вядомы па шматгадовым выступам за «Ювентус». Джорджа пачаў сваю кар’еру ў якасці левага абаронцы, але зрабіў сабе імя жорсткага цэнтральнага абаронцы са схільнасцю да выканання стандартаў.

З’яўляецца выхаванцам клуба «Ліворна». У асноўнай камандзе клуба гуляў на працягу чатырох сезонаў — два сезоны ў Серыі C1 і два ў Серыі B.

Улетку 2004 года ён перайшоў у склад «Ювентуса» за 6,5 мільёнаў еўра. «Ювэ» прадаў 50 % правоў на іграка «Фіярэнціне» за 3,5 мільёна еўра, і ў «Фіярэнціне» ён адгуляў увесь сезон 2004/05, пасля чаго быў выкуплены «Ювентусам» за 4,3 мільёны еўра.

12 кастрычніка 2006 года К’еліні падоўжыў кантракт з «Ювентусам» да 2011 года, а ў чэрвені 2008 года — да 2013 года. 23 лістапада 2010 года К’еліні падоўжыў кантракт з «Ювентусам» да 2015 года з заробнай платай у 3,5 млн еўра за сезон^[4].

У 2018 годзе стаў капітанам турынскай каманды пасля сыходу Джанлуіджы Буфона. У жніўні 2021 года чарговы раз падоўжыў пагадненне з клубам да 2023 года, аднак у 2022 годзе, пасля паражэння ў фінале Кубка Італіі, заявіў аб тым, што пакідае «Ювентус».

У чэрвені 2022 года падпісаў кантракт на 1,5 гады з амерыканскім клубам «Лос-Анджэлес»^[5]. У студзені 2024 года пасля завяршэння кар’еры стаў трэнерам у структуры клуба^[6].

Джорджа дэбютаваў у італьянскай зборнай у лістападзе 2004 года ў матчы супраць зборнай Фінляндыі і з тых часоў рэгулярна выхадзіў на поле ў складзе нацыянальнай каманды.

У красавіку 2022 года заявіў аб сыходзе са зборнай пасля Фіналісімы супраць Аргенціны, якая адбылася 1 чэрвеня ў Лондане і скончылася паражэннем італьянцаў з лікам 0:3.

«Ювентус»:

• Чэмпіён Італіі (9): 2012, 2013, 2014, 2015, 2016, 2017, 2018, 2019, 2020
• Уладальнік Кубка Італіі (5): 2015, 2016, 2017 2018, 2021
• Уладальнік Суперкубка Італіі (4): 2012, 2013, 2018, 2020
• Пераможца Серыі B: 2007

«Лос-Анджэлес»:

• Уладальнік Кубка MLS: 2022

Італія:

• Чэмпіён Еўропы: 2020
• Сярэбраны прызёр чэмпіянату Еўропы: 2012

• На Вікісховішчы ёсць медыяфайлы па тэме Джорджа К’еліні
• Афіцыйны сайт Архівавана 25 чэрвеня 2011.

Памылка Lua у Модуль:External_links на радку 45: assign to undeclared variable 'link'.