Еўрапейскі цэнтр «Салідарнасці»

Еўрапейскі цэнтр «Салідарнасці»
Europejskie Centrum Solidarności
Заснаваны	29 студзеня 2007[1]
Адкрыты	31 жніўня 2014
Месцазнаходжанне	Гданьск
Адрас	pl. Solidarności 1, 80-863 Gdańsk[2]
Дырэктар	Basil Kerski[d]
ecs.gda.pl (польск.)​ (англ.)
Медыяфайлы на Вікісховішчы

Еўрапейскі цэнтр «Салідарнасці» (польск.: Europejskie Centrum Solidarności) — музей і бібліятэка у Гданьску, прысвечаныя гісторыі польскага прафсаюза і грамадзянскага руху супраціву «Салідарнасць» і іншых апазіцыйных антыкамуністычных рухаў ва Усходняй Еўропе другой паловы ХХ стагоддзя. Адкрыўся 31 жніўня 2014 года.

У 2007 годзе быў праведзены міжнародны конкурс на лепшы праект, у якім перамагла польская кампанія «FORT Architects». Сцены будынка выкананы з ліставой сталі, якая выкарыстоўваецца ў суднабудаванні, неафарбаваная і іржавая. Будаўніцтва пачалося ў 2010 годзе і каштавала 229 мільёнаў злотых, з якіх 113 мільёнаў выдзеліў Еўрасаюз.

Цырымонія адкрыцця адбылася 31 жніўня 2014 года, у гадавіну падпісання Гданьскіх пагадненняў, якія спрычыніліся да ўтварэння незалежнага самакіравальнага прафсаюза «Салідарнасць» у 1980 годзе. На цырымоніі прысутнічалі Лех Валенса, сузаснавальнік «Салідарнасці», а пазней прэзідэнт Польшчы, тагачасны прэзідэнт Польшчы Браніслаў Камароўскі і старшыня «Салідарнасці» Пётр Дуда.

• На Вікісховішчы ёсць медыяфайлы па тэме Еўрапейскі цэнтр «Салідарнасці»