Градзіска (Гданьск)

Градзіска
	Крэпасць
Градзіска
	Grodzisko
	54°21′24″ пн. ш. 18°38′25″ у. д.HGЯO
Краіна	Польшча
Горад	Гданьск
Дата заснавання	ІХ стагоддзе
Будаўніцтва	1656—1874 гады

Градзіска (польск.: Grodzisko) — тэрыторыя каля гістарычнага цэнтра Гданьска, дзе размяшчаецца аднайменны комплекс гарадской фартыфікацыі. Умацаванае гарадзішча пабудавана тут у ІХ-Х стагоддзях. Гарадскія ўмацаванні пабудаваныя тут у 1656 і 1807 гадах.

Агульная характарыстыка

Крэпасць першапачаткова служыла назіральнай пляцоўкай за навакольнымі пагоркамі і лясамі. Тут размяшчаўся ў ХІІ стагоддзі замак паморскіх князёў. Было вырашана пашырыць гарадскія ўмацаванні на заходнім баку горада ў XVI—XVII стагоддзях. Быў пабудаваны шэраг валоў з бастыёнамі і ровам. Гэта былі ўмацаванні італьянскага тыпу, якія злучалі земляныя валы з цаглянымі элементамі. Такім чынам, была створана знешняя, заходняя лінія ўмацаванняў. Канструктарамі абарончых рубяжоў былі Ян і Ежы Стракоўскія. У выніку праведзеных работ Градзіска стала важным элементам абароны Гданьска і выратавала горад падчас аблогі шведамі, падчас «Патопу» і падчас Паўночнай вайны. Апорны пункт быў адноўлены ў 1807 годзе ўладамі Прусіі падчас абароны горада ад французскіх войскаў Напалеона. Сучасны выгляд Градзіска атрымала падчас генеральнай перабудовы ў 1867—1874 гадах. Плошча былога комплексу крэпасці складае 27 га.

Аб’екты і памятныя месцы

Агляовая пляцоўка — Ерусалімскі бастыён 1655 года.
Крыж Тысячагоддзя
Форт
Касцёл Божага Цела
Могілкі неіснуючых могілак
Былыя пратэстанцкія могілкі 1815—1956 гадоў
Помнік 1898 года расійскім воінам, якія загінулі пры аблогах горада ў 1734, 1807 і 1813 гадах
Будынак былога ваеннага вучылішча, пабудаваны ў 1891—1894 гадах (цяпер павятовае ўпраўленне працы)
Земляныя валы і ўмацаванні
Напалеонаўскі бастыён
Назіральная вежа часоў Другой сусветнай вайны, якая выкарыстоўвалася для супрацьпаветранай абароны
Былы арсенал
Рэшткі рова
Будынкі 1854 года, былы крымінальны суд (цяпер следчы ізалятар і апеляцыйны суд)
Артылерыйскія гаражы 1870-х гадоў