Забічаны

Вёска Забічаны Краіна Беларусь Вобласць Мінская Раён Пухавіцкі Сельсавет Пярэжырскі Каардынаты 53°39′13″ пн. ш. 27°48′29″ у. д.HGЯO Ранейшыя назвы Забычаны Водныя аб’екты Свіслач Насельніцтва ▼142 чал. (2019) Часавы пояс UTC+3 Тэлефонны код +375 1713 Паштовыя індэксы 222844 Аўтамабільны код 5 Забічаны на карце Беларусі ±

Забічаны на Вікісховішчы

Забіча́ны^[1] (трансліт.: Zabičany, руск.: Забичаны) — вёска ў Пухавіцкім раёне Мінскай вобласці, на рацэ Свіслач. Уваходзіць у склад Пярэжырскага сельсавета.

У XVIII стагоддзі ўваходзіла ў склад Менскага павета Менскага ваяводства Вялікага Княства Літоўскага. Пэўны час уласнасць Быкоўскіх, адносілася да маёнтка Зазер’е. Верагодна, назва паселішча пайшла ад прозвішча Быкоўскіх, бо раней вёска звалася Забычаны^[2].

У выніку другога падзелу Рэчы Паспалітай 1793 года тэрыторыя апынулася ў складзе Расійскай імперыі, у Ігуменскім павеце Мінскай губерні. У 1800 годзе былі карчма, млын, сукнавальня. У XIX стагоддзі да адмены прыгоннага права ўласнасць Ваньковічаў, апошні ўладальнік Эдвард Ваньковіч. Пасля 1861 года ў Пярэжырскай воласці Ігуменскага павета, праваслаўны прыход Зазер’е^[2]. У 1890 годзе адкрыта школа граматы.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

• 1800 год — 20 двароў, 127 жыхароў
• 1858 год — 86 жыхароў
• 1897 год — 31 двор, 203 жыхары
• 1909 год — 34 двары, 247 жыхароў
• 1917 год — 44 двары, 290 жыхароў
• 1960 год — 237 жыхароў
• 2002 год — 59 двароў, 149 жыхароў
• 2009 год — 177 жыхароў
• 2019 год — 142 жыхары^[3]

• Забічаны // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 140. — 2 000 экз. — ISBN 978-985-11-0735-9.
• Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
• Jelski A. Zabyczany // Słownik geograficzny Królestwa Polskiego i innych krajów słowiańskich. Tom XIV: Worowo — Żyżyn (польск.). — Warszawa, 1895. — S. 211.

• На Вікісховішчы ёсць медыяфайлы па тэме Забічаны