Лысоўшчына

Лысоўшчына
Краіна	Беларусь
Вобласць	Мінская
Раён	Пухавіцкі
Сельсавет	Голацкі
Каардынаты	53°44′38″ пн. ш. 27°45′15″ у. д.HGЯO
Ранейшыя назвы	Лысаўшчызна; Лысоўшчызна; Лысаўшчына
Водныя аб’екты	Свіслач
Насельніцтва	▲17 чал. (2019);
Часавы пояс	UTC+3
Тэлефонны код	+375 1713
Аўтамабільны код	5
	Лысоўшчына на Вікісховішчы

Лысо́ўшчына^[1] (трансліт.: Lysoŭščyna) — вёска ў Пухавіцкім раёне Мінскай вобласці. Уваходзіць у склад Голацкага сельсавета. Месціцца за 41 км на паўночны захад ад Мар’інай Горкі, 18 км ад Мінска, на рацэ Свіслач.

Назва

Назва-паняцце, пусты ўчастак зямлі без лесу ці на месцы высечанага лесу^[2].

Гісторыя

Ранняя гісторыя

У XIX стагоддзі ў Ігуменскім павеце Мінскай губерні Расійскай імперыі, даўняе ўладанне Прушынскіх. З другой паловы XIX стагоддзя ў Пярэжырскай воласці Ігуменскага павета. У 1876 годзе^[3] маёнтак купіў мешчанін Стэфан Антонавіч Шот, губернскі сакратар, праваслаўны^[4].

У канцы XIX стагоддзя былі аднайменныя вёска і фальварак.

Найноўшая гісторыя

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. Жыхары Пярэжырскай воласці атрымалі пасведчанні Народнага Сакратарыята Беларусі^[5]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года вёска пад акупацыяй Германіі.

Насельніцтва

1858 год — 44 жыхары
кан. XIX ст. — вёска, 11 двароў, 79 жыхароў; фальварак, 2 двары, 4 жыхары

1908 год — вёска, 12 двароў, 80 жыхароў; фальварак, 2 двары, 35 жыхароў
1917 год — вёска, 16 двароў, 78 жыхароў; фальварак, 1 двор, 7 жыхароў
1960 год — 86 жыхароў
2002 год — 6 двароў, 12 жыхароў
2010 год — 6 гаспадарак, 10 жыхароў
2012 год — 7 гаспадарак, 11 жыхароў
2019 год — 17 жыхароў^[6]

Вядомыя асобы

Пётр Іосіфавіч Гучок (1923—1945) — удзельнік Другой сусветнай вайны, лётчык Герой Савецкага Саюза^[7].

Крыніцы

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ Краткий топонимический словарь Белоруссии / В. А. Жучкевич. — Минск: Издательство Белорусского государственного университета, 1974. — 447 с. — 12 700 экз. С. 215
↑ SgKP 1884, с. 869.
↑ Памяць 2003, с. 98.
↑ Вялікі гістарычны атлас Беларусі : у 4 т. / Дзяржаўны камітэт па маёмасці Рэспублікі Беларусь, Рэспубліканскае унітарнае прадпрыемства «Белкартаграфія»; рэдкалегія: В. Л. Насевіч (галоўны рэдактар) [і інш.]. — Мінск: Белкартаграфія. — Т. 4 / [рэд. В.Л. Насевіч]. — 270 с., іл. с. — ISBN 978-985-508-476-2. С. 19.
↑ Belarus (нявызн.). pop-stat.mashke.org. Праверана 30 красавіка 2024.
↑ Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш.. — Мн.: БелЭн, 1997. — Т. 5. — С. 552. — 576 с. — 10 000 экз. — ISBN 985-11-0090-0.

Літаратура

Лысоўшчына // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 155. — 2 000 экз. — ISBN 978-985-11-0735-9.
Памяць: Пухав. р-н: Гіст.-дак. хронікі гарадоў і р-наў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
Jelski A. Łysowszczyzna // Słownik geograficzny Królestwa Polskiego i innych krajów słowiańskich. Tom V: Kutowa Wola — Malczyce (польск.). — Warszawa, 1884. — S. 869.