Феліцыянава

Вёска Феліцыянава Выгляд з паўднёвага боку Краіна Беларусь Вобласць Мінская Раён Пухавіцкі Сельсавет Голацкі Каардынаты 53°45′15″ пн. ш. 27°48′06″ у. д.HGЯO Насельніцтва ▲26 чал. (2019) Часавы пояс UTC+3 Тэлефонны код +375 1713 Аўтамабільны код 5 Феліцыянава на карце Беларусі ±

Феліцыянава на Вікісховішчы

Феліцыя́нава^[1] (трансліт.: Fielicyjanava, руск.: Фелицианово, раней таксама Карасі) — вёска ў Пухавіцкім раёне Мінскай вобласці. Уваходзіць у склад Голацкага сельсавета. Месціцца за 38 км на паўночны захад ад Мар’інай Горкі, 17 км ад Мінска.

Назва, верагодна, паходзіць ад імя ўладальніка маёнтка пачатку XIX стагоддзя, Феліцыяна Івашкевіча.

У сярэдзіне XIX стагоддзя маёнтак у Ігуменскім павеце Мінскай губерні, уласнасць калежскага асэсара Антонія Феліцыянавіча Івашкевіча. Пасля 1861 года ў Пярэжырскай воласці Ігуменскага павета.

У 1863 годзе за ўдзел у паўстанні быў арыштаваны Зеліслаў (Зеніслаў, Здзіслаў)-Аляксандр-Людвік Івашкевіч, сын Атонія Феліцыянавіча. 20 ліпеня 1864 года прысуджаны да пазбаўлення правоў стану, канфіскацыі маёмасці і ссылкі на пасяленне ў «менш аддаленыя месцы Сібіры». У 1870-х атрымаў частковую амністыю, у 1876 годзе атрымаў дазвол вярнуцца ў Мінскую губерню^[2].

У 1876 годзе ўладальнікамі маёнтка Феліцыянава былі дзеці Антонія Івашкевіча, усе дваране рыма-каталіцкага веравызнання: Памелія, Зеліслаў, Мечыслаў, Уладзіслаў, Анна, Аліна, Казіміра. Было 816 дзесяцін зямлі, карчма з гадавым прыбыткам 40 рублёў. Гаспадаркай займаўся арандатар^[3]. Пазней маёнтак завецца таксама Карасі^[4][5]. У 1888 годзе землеўладальніцай у Карасях была дваранка каталічка Камілія Антонава Івашкевіч, 460 дзесяцін^[6].

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. Жыхары Пярэжырскай воласці атрымалі пасведчанні Народнага Сакратарыята Беларусі^[7]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года вёска пад акупацыяй Германіі.

У 1980-х гадах да Феліцыянава далучана вёска Карасі^[8].

• 1858 год — 34 жыхары
• 1897 год — 4 двары, 64 жыхары
• 1917 год — 14 двароў, 86 жыхароў
• 1960 год — 135 жыхароў
• 2002 год — 13 двароў, 21 жыхар
• 2010 год — 12 гаспадарак, 15 жыхароў
• 2012 год — 10 гаспадарак, 13 жыхароў
• 2019 год — 26 жыхароў^[9]

• Феліцыянава // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 191. — 2 000 экз. — ISBN 978-985-11-0735-9.
• Феліцыянава // Памяць: Пухав. р-н: Гіст.-дак. хронікі гарадоў і р-наў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — С. 727. — 749 с. — ISBN 985-01-0251-9.
• Матвейчык Д. Удзельнікі паўстання 1863—1864 гадоў : біяграфічны слоўнік : (паводле матэрыялаў Нацыянальнага гістарычнага архіва Беларусі). — Мінск: Беларусь, 2016. — 735 с. — ISBN 978-985-01-1159-3.
• Списокъ Землевладѣльцевъ Минской Губерніи за 1876 годъ / Изданіе Минскаго Губернскаго Статистическаго Комитета. — Минскъ: Типографія Губернскаго Правленія, 1877. — 187 с.
• Списокъ Землевладѣльцевъ Минской Губерніи [за 1888 год] / Изданіе Минскаго Губернскаго Статистическаго Комитета. — Минскъ: Минская Губернская Типографія, 1889. — 419 с.

• На Вікісховішчы ёсць медыяфайлы па тэме Феліцыянава