Міжнародны саюз беларускіх пісьменнікаў

Міжнародны саюз беларускіх пісьменнікаў (МСБП) — добраахвотная няўрадавая грамадская арганізацыя беларускіх літаратараў. Заснаваная ў 2022 годзе ў Вільні. Кіраўнік — Дзмітрый Плакс, прэс-сакратар — Ціхан Чарнякевіч.

Мэтай арганізацыі з’яўляецца пашырэнне прасторы беларускай літаратуры ў свеце, інфармаванне беларускіх літаратараў і грамадскасці, абарона аўтарскага права, арганізацыя літаратурных мерапрыемстваў, адукацыйных праектаў у сферы літаратуры і літаратуразнаўства як у Беларусі, так і па-за яе межамі^[1].

Міжнародны саюз беларускіх пісьменнікаў паўстаў з ініцыятывы пісьменніка і перакладчыка Дзмітрыя Плакса^[1].

Арганізацыя запісвае аўдыёкнігі беларускіх пісьменнікаў^[2], праводзіць агляд парушэнняў моўных правоў у Беларусі^[3][4].

У 2023 годзе Міжнародны саюз беларускіх пісьменнікаў абвясціў пра правядзенне конкурса да 100-годдзя літаратурнага аб’яднання «Маладняк»^[5].