Наступленне на Хаму (2024)

Наступленне на Хаму
Асноўны канфлікт: Наступленне сірыйскай апазіцыі (2024)
Дата	з 30 лістапада па 5 снежня 2024 года
Месца	Хама і яе наваколлі, Сірыя
Вынік	перамога паўстанцаў
Праціўнікі
Сірыя  Расія Сірыйская апазіцыя

Наступленне на Хаму (2024) — аперацыя сірыйскіх паўстанцаў ў раёне горада Хама^[1] падчас грамадзянскай вайны.

30 лістапада паўстанцам удалося захапіць некалькі гарадоў, у тым ліку Тайбат аль-Імам, Кафр-Зіта, Латамнех і Марэк^[2]. У выніку наступлення сілы сірыйскай апазіцыі хутка падышлі да ўскраін Хамы^[3]. Урадавыя войскі пачалі адступаць з горада, а таксама з авіябазы, размешчанай каля горада^[4].

1 снежня ў сеціве з’явілася непацверджаная фатаграфія, на якой відаць, як сілы паўстанцаў уваходзяць у раён Аль-Арбаін у горадзе Хама^[5]. «Аль-Джазіра» паведаміла, што сілы паўстанцаў увайшлі ў Хаму^[6]. Пазней з’явіліся паведамленні, што ўрад адправіў падмацаванні, каб спыніць прасоўванне баевікоў^[7][8].

У выніку контрнаступлення ўрадавых сіл, пад кантроль урада вярнулася частка тэрыторыі, а таксама спынена наступленне апазіцыйных сіл^[9]. ПКС РФ аказвалі падтрымку ўрадавым войскам^[10]. Сірыйскія войскі сфармавалі лінію абароны на поўначы Хамы^[11].

2 снежня баевікі нанеслі ўдар беспілотнікам па пазіцыях урадавых войскаў ля гары Зайн аль-Абідзін, на поўнач ад Хамы, удар прывёў да шматлікіх ахвяр і раненняў вайскоўцаў^[12]. Да поўдня сутыкненні паміж апазіцыяй і праўрадавымі сіламі ўзмацніліся ў правінцыі Хама, асабліва ў раёне гарадоў Карназ і Суран. Ва ўсходняй частцы правінцыі Хама апазіцыйныя сілы прасунуліся наперад і захапілі горад Каср-Абу-Самра^[13]. Да вечара апазіцыя ўзяла пад кантроль вёскі Аль-Джубайн, Тэль-Малах, Джаламах, Аль-Джубайн, Брэйдэй, Карназ і Аль-Каркат у ваколіцах Хамы, у самім горадзе працягваліся жорсткія сутычкі з урадавымі войскамі^[14].

5 снежня антыўрадавыя сілы ўвайшлі ў Хаму, пасля чаго падраздзяленні сірыйскай арміі пакінулі горад^[15].